Emiliano Zapata

Emiliano Zapata Salazar (8. august 1879–10. april 1919) var ein meksikansk geriljaleiar og motstandsmann. Han vart ein av hovudpersonane under den meksikanske revolusjonen som braut ut i 1910, mot diktaturet til Porfirio Díaz. Zapata var mestis og leia kampen til indianerbøndene mot dei mektige jordeigarane under slagordet Reforma, Libertad, Justicia y Ley (plan de Ayla). Han gjennomførte omfattande jordreformer i dei områda han kontrollerte, men vart til slutt drepen av fiendane sine i 1919.

Emiliano Zapata
Fødd	8. august 1879
Fødestad	Anenecuilco
Død	10. april 1919
Dødsstad	Morelos
Ektefelle	Josefa Espejo Sánchez
Barn	Ana María Zapata Portillo

Zapata vert rekna for å vere ein av dei fremste nasjonale heltane i Mexico. Byar, gater og bustadområde kalla «Emiliano Zapata» er vanlege rundt om i landet og Zapata har til tider vore avbilda på meksikanske pengesetlar. Dei opphavlege zapatistane starta i delstaten Morelos.

Brørne Emiliano og Eufemio Zapata iført karakteristisk charro-drakt med store bartar, patronbelte og sombreroar omkring 1910.

Zapatistar i nyare tid

Zapatistane (EZLN), ei revolusjonær rørsle med utgangspunkt i delstaten Chiapas, har i nyare tid teke namnet sitt etter Zapata.

Sjå òg

• Den meksikanske revolusjonen

Kjelder

• Denne artikkelen bygger på «Emiliano Zapata» frå Wikipedia på bokmål, den 13. februar 2010.

Bakgrunnsstoff

Commons har multimedium som gjeld: Emiliano Zapata