Emneknagg
Ein emneknagg (engelsk hashtag) er symbolet # følgt av eit ord eller ein frase utan mellomrom mellom # og påfølgande bokstav eller tal. Ein emneknagg legg til metadata og knyter meldingar saman. Bruk av emneknagg forenklar søk i sosiale nettverk som Twitter, Facebook, Google+ og Instagram og representerer ein ny måte å søke etter informasjon på.[1] Bruk av emneknaggar vert kalla «folksonomi», som er ei form for sosial bokmerking der brukarane sjølv vel ord og formuleringar i staden for taksonomiar laga av ekspertar.
Emneknaggar tillèt berre eitt ord og vert ofte laga ved at ein utelèt mellomrommet mellom ord. Ein aukar lesbarheita ved å bruke stor bokstav inne i samansetjinga (CamelCase).
Chris Messina introduserte emneknagg på Twitter 23. August 2007,[2] men Twitter avviste ideen i byrjinga. Den fyrste utbreidde bruken kom i oktober 2007 då lokale journalistar nytta emneknaggen #SanDiegoFire[3] for å kvitre om ei rekke skogbrannar i San Diego.[4]
Symbolet # følgt av eit ord vart nytta i PDP-11 på 1970-talet[5] og i programmeringsspråket C i 1978.[6] På IRC blir # brukt for å gje namn til grupper og emne.
Kjelder endre
- ↑ Red Crow marketing (26. oktober 2015). «How Do #Hashtags Affect My #SEO?».
- ↑ «how do you feel about using # (pound) for groups. As in #barcamp [msg]?». 23. august 2007.
- ↑ #SanDiegoFire på Twitter
- ↑ Rebecca Hiscott (8. oktober 2013). «The Beginners Guide to the Hashtag».
- ↑ «The PDP-11 Assembly Language». 3. august 2011.
- ↑ The C Programming Language. Prentice Hall. 1978. s. 86 og 207. ISBN 0-13-110163-3.
- Denne artikkelen bygger på «Emneknagg» frå Wikipedia på bokmål, den 6. desember 2017.
Bakgrunnsstoff endre
- Emneknagg. Språkrådet
- #InPraiseOfTheHashtag. nytimes.com (2. november 2012)