Erling Stordahls ærespris
Erling Stordahls ærespris er ein pris som vert gjeven til syns- eller rørslehemma personar som har utmerkt seg særleg innan idrett, kunst eller kultur. Utmerknadene kan vera på anten lokalt, nasjonalt eller internasjonalt nivå. Prisen vert utdelt under Ridderrennet.
Prisen vart oppretta i 1994, då regionen og næringslivet i Valdres oppretta eit fond med ein grunnkapital på 100.000 kroner, for å heidra Erling Stordahl for arbeidet han hadde lagt ned for Øystre Slidre kommune ved å stå i spissen for skipinga av Beitostølen Helsesportsenter og det årlege Ridderrennet. Rentene av dette fondet vert brukte til Erling Stordahls ærespris.
Juryen har bestått av ordførar i Øystre Slidre kommune, direktør på Beitostølen Helsesportssenter og formann i Ridderrennets Venner. Det er fem organ som kan nominera til prisen, m.a. Norges Blindeforbund.
Liste over mottakarar
endre- 1995 Cato Zahl Pedersen
- 1996 Kjetil Moe
- 1997 Anne Margrethe Lund
- 1998 Terje Løvaas
- 1999 Ragnhild Myklebust
- 2000 Harald Guldahl
- 2001 Anne Mette Bredal
- 2003 Magne Lunde
- 2004 Tone Gravvold
- 2005 Olai Myklebust
- 2006 Arne Christensen (Danmark)
- 2008 Magna Jenssen
- 2009 Karin Endsjø
- 2010 Mariann Vestbøstad Marthinsen
- 2011 Gunleik Bergrud
- 2012 Brit Mjaasund Øyen
- 2013 Hans Anton Ålien