Ernst Jaakson (fødd 11. august 1905 i Riga, død 4. september 1998 i New York) var ein estisk diplomat. Han er kjend for å ha halde det estiske generalkonsulatet i New York i drift gjennom dei tiåra då Estland var innlemma i Sovjetunionen.

Ernst Jaakson

Statsborgarskap Estland
Fødd 11. august 1905
Riga
Død

4. september 1998 (93 år)
New York by

Yrke diplomat, politikar
Språk estisk
Ernst Jaakson på Commons

Jaakson studerte ved Universitetet i Tartu og heldt fram studia sine i USA, der han tok bachelorgraden i økonomi ved Columbia University. Etter enda utdanning og verneplikt gjekk han inn i utanrikstenesta. Frå 1929 til 1932 var Jaakson ved det estiske konsulatet i San Francisco. I 1932 vart han stasjonert ved generalkonsulatet i New York. USA anerkjende ikkje okkupaskonen og innlemminga til Sovjetunionen, men heldt fram det diplomatiske sambandet med Estland, noko som innebar at generalkonsulatet i New York heldt fram drifta og at personalet der framleis hadde diplomatisk status. Etter at andre ved generalkonsulatet hadde falle frå, vart Jaakson i 1965 leiar av generalkonsulatet. Dermed vart Jaakson også eit symbol på håpet om fridom for Estland og ein representant for kontinuiteten i Estland sitt sjølvstende. Etter at Estland fekk att sjølvstendet i 1991 vart Jaakson utnemnd til estisk ambassadør i USA og til landet sin permanente representant til FN. Han heldt frå 1993 fram som generalkonsul i New York.

Bakgrunnsstoff endre