Føyno skipreide
Føyno (Føyen) skipreide var ei av elleve skipreider i Sunnhordland, tidlegast i historia kjent som Kåravik skipreide. Begge namna er gjevne etter stader i Stord kommune, høvesvis øya Føyno og Kåravik (Kårevik), gard og bustadfelt i Leirvik.
Geografisk område etter gammal inndeling:[1]
- Stord sokn
- Bømlo sokn
- Bremnes sokn
- Moster sokn (unnateke området sør for Bømlafjorden)
- del av Fitjar sokn (øyane vest for Trollosen og Eggøyosen)
- del av Eid sokn (søre delen av øya Huglo).
Geografisk område etter noverande inndeling:
- Stord kommune
- Bømlo kommune (unnateke Aga krins)
- del av Fitjar kommune (øyane vest for Trollosen og Eggøyosen)
På Vestlandet vart skipreidene avløyste av tinglag først i begynninga av 1800-talet, og etterkvart vart grensene regulerte slik at dei samsvarte betre med sokne- og kommunegrensene. 1872 vart Føyno tinglag oppløyst og erstatta av Finnås tinglag og Stord tinglag.[2]
