Huglo
Huglo er ei øy i Stord kommune. Ho ligg på austsida av Stord der Hardangerfjorden møter Langenuen. Huglo er 14 km² stor, folketalet er 85.[1] På Huglo ligg samlingstaden på Nord-Huglo, der det er butikk, bensin og kai. Butikken heiter Huglabutikken og er ein del av Nærbutikken-konseptet. Butikken har i tillegg til daglegvarer, også apotekutsal, dusj, kontorrekvisita og vaskeutstyr. Mesteparten av arealet er fjell, og høgaste topp er Høgafjellet på 218 moh. Øya har også svært frodige parti og fine landbruksareal. På austsida er grunnen kalkrik med ein rik vegetasjon. Her ligg Brandvikneset naturreservat med mellom anna barlind og kristtorn. Næringslivet består i all hovudsak av landbruk, (særleg mjølkeproduksjon), møbelproduksjon og havbruk. Huglo har ferjesamband til Stord og Tysnes.
| Huglo | |
|---|---|
 Det nordre av Huglo sett frå ferja i sambandet Jektevik-Nordhuglo-Hodnanes. Foto: Bent Sigmund Olsen
| |
| Geografi | |
| |
| Stad | Hardangerfjorden |
| Koordinatar | 59°50′54″N 05°35′05″E / 59.84833°N 5.58472°E
|
| Areal | 13,5 km²
|
| Høgaste punkt | Høgafjellet (218 moh.)
|
| Administrasjon | |
| Land |  Noreg
|
| Fylke | Vestland
|
| Demografi | |
| Folketal | 85 (2023) |
| Folketettleik | 6,3 /km² |
Folketalsutvikling:
| 1801[2] | 1900[3] | 2000[1] | 2023[1] |
|---|---|---|---|
| 135 | 200 | 143 | 85 |
Bakgrunnsstoff endre
- Nettstad for Huglo
- Artikkel i BT om omnsmuseet Arkivert 2007-02-21 ved Wayback Machine.
Kjelder endre
- ↑ 1,0 1,1 1,2 Befolkning, etter grunnkrets, statistikkvariabel og år, frå Statistisk sentralbyrå
- ↑ Folketeljing 1801 for Stord prestegjeld, frå Digitalarkivet
- ↑ Folketeljing 1900 for Stord herred, frå Digitalarkivet
Denne geografiartikkelen som har med Vestland å gjere, er ei spire. Du kan hjelpe Nynorsk Wikipedia gjennom å utvide han.