Ferdinand Karl av Mantova og Montferrat
Ferdinando Carlo Gonzaga (31. august 1652–5. juli 1708) var det einaste barnet til hertug Karl II av Mantova og Montferrat, og den siste herskaren av hertugdømet Mantova frå huset Gonzaga.
| Ferdinando Carlo | |||
_by_Hyacinthe_Rigaud.jpg) Hertugen av Mantova av Rigaud i 1706 | |||
| Fullt namn | Ferdinando Carlo Gonzaga | ||
|---|---|---|---|
| Fødd | 31. august 1652 | ||
| Fødestad | Revere | ||
| Død | 5. juli 1708 (55 år) | ||
| Dødsstad | Padova | ||
| Gravstad | Basilica Palatina di Santa Barbara | ||
| Gift med | Anna Isabella Gonzaga Suzanne Henriette de Lorraine | ||
| Dynasti | Huset Gonzaga | ||
| Far | Karl Gonzaga | ||
| Mor | Isabella Clara av Austerrike | ||
| Born | Giovanni Gonzaga, Carlo Gonzaga | ||
Ferdinand Karl var først gift med Anna Isabella Gonzaga, dotter av Ferrante III Gonzaga, hertug av Guastalla og sidan med Suzanne Henriette de Lorraine.
Han mislikte at austerrikarane hadde erobra Guastalla og inngjekk ein avtale med Ludvig XIV av Frankrike i 1678, der han selde Casale. I denne samanhengen kan ministeren hans, grev Ercole Antonio Mattioli, ha vorte mannen i jernmaska, som vart fengsla i Pinerolo i april 1679 for å ha avslørt denne avtalen for fiendane til Frankrike. Hertugen nekta for alt, men inngjekk ein ny avtale med franskmennene i 1681 og fekk slik ein årleg pensjon på 60 000 lire, ein karriere som general, og ein del av i framtidige franske erobringar i Italia. Franskmennene okkuperte Casale den 29. september 1681, og hertugen av Mantova mista respekt i Italia.
Ferdinando Carlo valde igjen den franske sida i den spanske arvefølgjekrigen. I 1701, då den antifranske koalisjonen erobra Mantova, flykta han til Casale. Han måtte betale dyrt for valet sitt då franskmennene vart jaga attende over Alpane i 1706. Han vart alt erklært ein forrædar i 1701 av Josef I av Det tysk-romerske riket og alle eigedomane hans vart konfiskert i 1708.
Huset Savoie fekk den gjenverande halvdelen av Montferrat, etter å ha erobra den førte halvdelen under den mantovanske arvefølgjekrigen i 1631. Hertugdømet Mantova vart austerriksk og ikkje lenger sjølvstendig. Ferdinando Carlo døydde same året i Padova.
Kjelder
endre- Denne artikkelen bygger på «Ferdinando Carlo Gonzaga, Duke of Mantua and Montferrat» frå Wikipedia på engelsk, den 19. januar 2012.
Bibliografi
endre- Alessandro Cont, Sotto tutela: il sovrano bambino in Italia (1659–1714), “Rivista storica italiana”, 124, 2 (agosto 2012), pp. 537–581, https://www.academia.edu/6412348/Sotto_tutela_il_sovrano_bambino_in_Italia_1659-1714_