Finn Kalvik

	Finn Kalvik
	;
Fødd	30. april 1947 (77 år)
Fødestad	Fåvang
Fødenamn	Finn Bjørn Kalvik
Opphav	Noreg
Aktiv	1967–
Sjanger	vise
Instrument	gitar, vokal
Verka som	songar, låtskrivar, gitarist
Prisar	Rockheim Hall of Fame, Alf Prøysens Ærespris, Kongens fortenestmedalje

Finn Kalvik (fødd 30. april 1947) er ein norsk visesongar. Han vart fødd på Fåvang, men voks delvis opp i Oslo.

Karriere

Kalvik starta karrieren sin på slutten av sekstitalet. Han framførte eigne viser, sette tonar til dikt av mellom anna Inger Hagerup og André Bjerke, og omsetje utanlandske songar som Cat's in the Cradle av Harry Chapin (på norsk heitte songen Ride Ranke). I trioen «Det viser seg» samarbeida han med Øystein Sunde og Lillebjørn Nilsen.

I 1981 vann Kalvik den norske Melodi Grand Prix-finalen med songen «Aldri i livet». Han vann også Gammleng-prisen i 1986 i klassen vise. I 2021 fekk han Alf Prøysens Ærespris.

Kalvik i andre samanhengar

Ved slutten av nittitalet opplevde Finn Kalvik å vera midtpunktet i fjernsynsprogrammet Åpen Post. Eit av dei faste innslaga deira heitte «Finn Kalvik-nyhetene» og blei av mange oppfatta som ein parodi på artisten sjølv. Dei ansvarlege for Åpen Post, derimot, meinte at det berre var uskuldig moro, og fekk etter kvart Finn Kalvik sjølv til å vera med på «nyheitene».

Utgjevingar

Tusenfryd og grå hverdag (Nordisc 1971)
Finn (Polydor 1971)
Nøkkelen ligger under matta (Polydor 1974)
To tunger (Nordisc 1976)
Fyll mine seil (Polydor 1976)
Nederst mot himmelen (Polydor 1977)
Kom ut kom fram (Polar 1979)
Natt og dag (Polar 1981)
Tenn dine vakre øyne (Polar 1982)
Det søte liv (Nordisc 1984)
Lille persille (Grappa 1986)
Livets lyse side (Crema 1988)
Innsida ut (Spinner 1991)
Fra A til nÅ - 40 beste (Polydor 1993)
I egne hender (Polydor 1995)
Imellom to evigheter (daWorks 2000)
71 81 - samleboks med de 7 første CD-ane i remastra utgåve (2001)
Klassisk Kalvik (2002)
Dagdrivernotater (2004)
Klassisk Kalvik II (2005)
Bjerke/Hagerup/Kalvik (2007)
Komplett klassisk Kalvik(2007)
Neste stasjon Grorud – med Erik Fosnes Hansen (2010)
Sommersangeren (2012)
Ingen vei hjem (2017)