Foramen
- Må ikkje forvekslast med foraminiferar.
Ein foramen (pl. foramina) er i anatomien ei nemning som blir bruka om ei naturleg opning.[1] Foramina i menneskekroppen verkar som ei opning der musklar, nervar, arteriar, vener og andre strukturar passerer for å kople ein kroppsdel til ein annan.
I hovudskallen hjå ryggbeinsdyr finn ein ei rekkje foramina, mellom anna foramen magnum. Foramina finn ein òg i ryggvirvlane i ryggsøyla, såkalla intervertebralforamina, som dannar ein kanal frå golvet til taket av knokkelen, der mellom anna ryggmergen passerer.
Døme på andre foramina er:
- foramen apicis dentis, holet øvst på tannrota
- foramen ovale i hjarta, eit hol mellom dei venøse og arterielle sidene av fosterhjarta
- foramen transversarium, ein av to opningar i ryggvirvlane der den djupe halsarterien passerer
- den store sittebeinsopninga (foramen ischiadicum majus), ein stor foramen i bekkenet
- foramen interventriculare primarium, i embryologien ein kortvarig opning mellom ventriklane i hjarta
- foramen interventriculare, kanalar som koplar ventriklane i hjernen
- den vesle sittebeinsopninga (foramen ischiadicum minus), ein opning mellom bekkenet og det bakre lårbeinet
- foramen obturatum, holet som blir danna av sittebeinet og underlivsbeinet i bekkenet
- sakralforamina, som perforerar virvelkanalen frå korsbeinet, og der sakralnervane passerer
Variasjonar
endreEin studie frå 1988 undersøkte variasjonar i høgre og venstre foramen jugulare i 156 hovudskallar. I 69% av skallane var den høgre f. jugulare større enn den venstre, og i 23% var den venstre noko større. I dei attståande skallane var begge foramina like store.[2]
Sjå òg
endreKjelder
endre- Denne artikkelen bygger på «Foramen» frå Wikipedia på engelsk, den 26. februar 2015.
- ↑ Holck, Per (30. oktober 2014). «foramen». Store medisinske leksikon. Henta 26. februar 2015.
- ↑ Sturrock, R.R. (Oktober 1988). «Variations in the structure of the jugular foramen of the human skull». Journal of Anatomy 160: 227–230. Henta 26. februar 2015.