Franche-Comté

Franche-Comté er ein tidlegare region og før det provins aust i Frankrike. Han bestod av departementa Doubs, Jura, Haute-Saône og Territoire de Belfort og hadde eit folketal på over 1,1 millionar innbyggjarar. Frå 1. januar 2016 vart regionene Bourgogne og Franche-Comté slått saman til ein ny region med namnet Bourgogne-Franche-Comté.

Franche-Comté
region
Symbol
Land	Frankrike
Departement	• Doubs  • Haute-Saône  • Jura  • Territoire de Belfort
Hovudstad	Besançon
Areal	16 202 km²
Folketettleik	71 / km²
Franche-Comté 47°N 6°E / 47; 6
Plassering av Franche-Comté. Plassering av Franche-Comté.
Wikimedia Commons: Franche-Comté

Dei største byane er Besançon (den historiske og moderne hovudstaden i regionen), Belfort og Montbéliard (Storbyområdet Belfort-Montbéliard-Héricourt-Delle). Andre viktige byar er Dole (hovudstad før området vart erobra av Louis XIV seint på 1600-talet), Vesoul (hovudstad i Haute-Saône), Arbois («vinhovudstaden» i Jura) og Lons-le-Saunier (hovudstad i Jura).

Historie

Namnet Franche-Comté oppstod ikkje offisielt før i 1366. Det hadde vore eit område i Burgund frå 888, og provinsen vart ein del av Det tysk-romerske riket i 1034, og vart heilt skild frå naboområdet hertugdømet Burgund då Burgund vart ein del av Frankrike i 1477. Området vart overført til Austerrike i 1481 og Spania i 1556. Franche-Comté vart okkupert av Frankrike i 1668, men levert tilbake då det vart fred etter Freden i Aix-la-Chapelle i 1668. Området vart okkupert på ny i 1674, og til slutt gjeve til Frankrike etter Freden i Nijmegen i 1678.

Folketalet i regionen fall med ein femtedel mellom folketeljingane i 1851 og 1946, noko som viste den låge naturlege veksten i Frankrike og flyttinga til meir urbaniserte delar av landet. Den største folkeutflyttinga skjedde i Haute-Saône og Jura, som er av dei meir jordbruksavhengige områda i landet.

Kultur

Regionsspråket franc-comtois er ein dialekt av langue d'oïl som vert snakka av ein liten del av folket, og vert rekna som eit fransk språk.

Så tidleg som på 1200-talet snakka den sørlege to-tredjedelen av Jura og den sørlege tredjedelen av Doubs ein dialekt av frankoprovensalsk. Ein snakka framleis språket i jordbruksområde på 1900-talet. Frankoprovensalsk vert rekna som eit offisielt fransk språk.

Byar

• Audincourt
• Belfort
• Besançon
• Dole
• Lons-le-Saunier
• Montbéliard
• Pontarlier
• Vesoul

Kommunar

• Valentigney

Bakgrunnsstoff

Commons har multimedium som gjeld: Franche-Comté

• Offisiell nettstad