Frank Luck

Frank Luck (fødd 5. desember 1967) er ein tysk tidlegare skiskyttar, fødd i Schmalkalden i Thüringen, som representerte DDR og seinare Tyskland. I tida 1989 til 2004 vann han 11 VM-gull og to OL-gull, ti av desse gullmedaljane fekk han med stafettlag og i lagøvinga. Til saman vann Luck 25 medaljar i dei internasjonale meisterskapane i skiskyting.

Frank Luck
Statsborgarskap	Tyskland, Den tyske demokratiske republikken
Fødd	5. desember 1967 (56 år) Schmalkalden
Idrett	skiskyting
Tok del i	biathlon at the 1988 Winter Olympics – sprint, Skiskyting under Vinter-OL 1994 – Sprint menn, Skiskyting under Vinter-OL 1994 – Normaldistanse menn, biathlon at the 2002 Winter Olympics – men's individual, Skiskyting under Vinter-OL 1994 – Stafett menn, biathlon at the 1998 Winter Olympics – men's relay, biathlon at the 2002 Winter Olympics – men's relay, biathlon at the 1998 Winter Olympics – men's sprint, biathlon at the 2002 Winter Olympics – men's sprint, biathlon at the 2002 Winter Olympics – men's pursuit
Utmerkingar	Sparkassenpreis für Vorbilder im Sport

Karriere

Luck kvalifiserte seg til vinter-OL i Calgary, der han kom på sjetteplass på 10 km. Hans store gjennombrot kom året etter, då han vart verdsmeister på 10 kilometer og med DDR sitt stafettlag. I 1990 fekk han eit nytt VM-gull med DDR, då han i Oslo gjekk lagøvinga. Året etter tok han sølvmedaljen på 10 km i VM og deltok på det samla Tyskland sitt vinnarlag i 4x7,5 km stafett. Grunn sjukdom kunne han ikkje delta i vinterleikane 1992 i Albertville.

Under VM 1993 i Borovets tok Luck to medaljar; gull i lagøvinga og bronse på stafetten. Han kom på sølvplassen på 20 km under OL på Lillehammer i 1994 før han vart olympisk meister med det tyske stafettlaget. Også i VM 1995 og VM 1997 fekk han VM-gull i stafett. Sameleis gjekk det i Nagano under vinter-OL 1998. Luck hadde dermed vore med å vinne fire gullmedaljar på fem år i stafettøvinga, berre i 1996 måtte Tyskland nøye seg med sølv.

Ti år etter han vann sin fyrste individuelle VM-tittel i 1989, kopierte Luck bragda ved å vinne 10 km under VM 1999 i Kontiolax. Han tok så sin tredje og siste individuelle gullmedalje då han i Oslo i 2000 vann jaktstarten, etter å ha vorte nummer fire på 10 km. Luck tok elles bronsemedaljen på 20 km i same meisterskapen. Sidan tok han OL-sølv på 20 km i 2002, og kunne i 2003 og 2004 kassere inn VM-gull i stafett for høvsesvis sjuande og åttande gong.

Luck vart nummer tre i verdscupen i skiskyting i 1994 og 1999. Både i 2000 og 2002 vart han tildelt pokalen som beste utøvar på 20 km i verdscupen. I alt vann han 12 individuelle renn i verdscupen.

Han la opp som skiskyttar i 2004.

Medaljar og besteplasseringar i internasjonale meisterskap

• Vinter-OL 1988 i Calgary: Nr 6 på 10 km
• VM i skiskyting 1989 i Feistritz: Gullmedalje på 10 km og i stafett
• VM i skiskyting 1990 i Oslo: Nr 5 på 10 km, gullmedalje i lagøvinga
• VM i skiskyting 1990 i Kontiolax: Bronsemedalje i stafett
• VM i skiskyting 1991 i Lahtis: Gullmedalje i stafett, sølvmedalje på 10 km
• VM i skiskyting 1993 i Borovets: Gullmedalje i lag, bronsemedalje i stafett, nr 10 på 20 km
• Vinter-OL 1994 på Lillehammer: Gullmedalje i stafett, sølvmedalje på 20 km
• VM i skiskyting 1995 i Antholz: Gullmedalje i stafett, nr 7 på 10 km
• VM i skiskyting 1996 i Ruhpolding: Sølvmedalje i stafett, nr 8 på 20 km
• VM i skiskyting 1997 i Osbrlie: Gullmedalje i stafett, nr 7 på 10 km
• Vinter-OL 1998 i Nagano: Gullmedalje i stafett, nr 7 på 10 km
• VM i skiskyting 1999 i Kontiolax: Gullmedalje på 10 km
• VM i skiskyting 2000 i Oslo og Lahti: Gullmedalje på jaktstart, bronsemedalje på 10 km og i stafett
• VM i skiskyting 2001 i Pokljuka: Nr 11 på 10 km
• Vinter-OL 2002 i Salt Lake City: Sølvmedalje på 20 km og i stafett
• VM i skiskyting 2003 i Khanty-Mansijsk: Gullmedalje i stafett
• VM i skiskyting 2004 i Oberhof: Gullmedalje i stafett

Kjelder

• Sportsboken, aktuelle årgangar

Bakgrunnsstoff

• «Frank Luck» (på engelsk). olympedia.org. Henta 25. januar 2023.