Französische Suiten

Französische Suiten (Franske suitar), BWV 812-817, er ei samling av seks suitar som Johann Sebastian Bach skreiv for klaver (cembalo eller klavikord) mellom 1722 og 1725.. Suitane vart seinare gjeven namnet «Fransk» (først nytta av Friedrich Wilhelm Marpurg i 1762) for å skilje dei frå Englische Suiten. Namnet vart popularisert av Bach-biografen Johann Nikolaus Forkel, som skreiv i biografien sin om Bach frå 1802, «Ein kallar dei vanlegvis Franske Suitar fordi dei vart skriven på ein fransk måte.» Dette er derimot ein upresis påstand. Som dei andre suitane til Bach, følgjer dei i stor grad den italienske forma..

Det finst ikkje noko original manuskript av desse suitane og ornamenteringa varierer frå kopi til kopi.

To tilleggssuitar, ein i a-moll (BWV 818), og ein annan i Ess-dur (BWV 819), er knytt til dei kjende seks suitane i nokre manuskript. Ouverture i fransk stil, BWV 831, som Bach publiserte som den andre delen av Clavier-Übung, er ein suite i fransk stil, men som ikkje er knytt til Franske suitar.

Dei franske suitane

Suite No. 1 i d-moll, BWV 812

1. Allemande
2. Courante
3. Sarabande
4. Menuett I/II
5. Gige

Sjølv om suitane 1-4 er typisk datert til 1722, er det mogeleg at denne suiten vart skriven noko tidlegare.

Suite No. 2 i c-moll, BWV 813

1. Allemande
2. Courante
3. Sarabande
4. Air
5. Menuett
6. Menuett - Trio (i BWV 813a)
7. Gige

Suite No. 3 i h-moll, BWV 814

1. Allemande
2. Courante
3. Sarabande
4. Menuett
5. Trio
6. Anglaise—Bach kalla opphavleg denne satsen Gavotte (ein dans som liknar mykje på Angloise). Han kan ha endra namnet fordi satsen manglar den karakteristiske oppslaget til gavotten.
7. Gige

Suite No. 4 i Ess-dur, BWV 815

1. Allemande
2. Courante
3. Sarabande
4. Gavotte
5. Air
6. Gige

Suite No. 5 i G-dur, BWV 816

1. Allemande
2. Courante
3. Sarabande
4. Gavotte
5. Bourrée
6. Loure
7. Gige

Dei første taktane I denne suiten vart skriven I 1722, men ikkje gjort ferdig før i 1723.

Suite No. 6 i E-dur, BWV 817

1. Allemande
2. Courante
3. Sarabande
4. Gavotte
5. Polonese
6. Bourrée
7. Menuett
8. Gige

Kjelder

• Denne artikkelen bygger på «French Suites, BWV 812-817» frå Wikipedia på engelsk, den 25. april 2010.
  • Wikipedia på engelsk oppgav desse kjeldene:

Bakgrunnsstoff

• Franske Suitar: Fritt tilgjengelege notar på International Music Score Library Project.
• Franske suitar på Mutopia Project (gratis notar)