Fred-René Buljo
Fred-René Buljo (fødd 6. februar 1988) er ein samisk musikar, rappar, joikar og produsent frå Kautokeino i Finnmark. Han er kjend som medlem av gruppa KEiiNO, og før det som medlem i den norsk-samiske rapgruppa Duolva Duottar. Sistnemnde slo gjennom i Nord-Noreg i 2007, og vart nasjonalt kjend året etter, då ho nådde finalen i talentprogrammet Norske Talenter på TV 2.[1]
| Fred-René Buljo | |||
 | |||
| Fødd | 6. februar 1988 (36 år) | ||
|---|---|---|---|
| Fødestad | Kristiansand | ||
| Fødenamn | Fred-René Øvergård Buljo | ||
| Opphav | Noreg | ||
| Aktiv | 2007– | ||
| Sjanger | rapping, Joik | ||
| Instrument | vokal | ||
| Verka som | songar, rappar, barnehagelærer, produsent, joiker | ||
| Far | Klemet Anders Buljo | ||
| Prisar | Årets same | ||
Sidan Norske Talenter har Buljo turnert i heile Norden og Russland, og jobba både som låtskrivar og liveartist.[2] I 2019 deltok han i Melodi Grand Prix som ein del av gruppa KEiiNO og vann med låten «Spirit in the Sky».[2][3][4] I tillegg til Buljo består KEiiNO av Alexandra Rotan og Tom Hugo. I 2021 deltok gruppa på ny i Melodi Grand Prix, med songen «Monument».
Buljo har òg sete som representant på Sametinget for partiet Árja, fyrst som vararepresentant frå 2013 til 2016, og som sametingsrepresentant og parlamentarisk leiar i perioden 2016–2017.[5] I tillegg har han hatt ein sentral plass i utviklinga av nye nasjonale læreplanar i musikkfaget i den norske grunnskulen på oppdrag av Utdanningsdirektoratet.
Kjelder
endre- ↑ «Riddu Riđđu». Henta 25. januar 2019.
- ↑ 2,0 2,1 Hyttebakk, Jon Marius (25. januar 2019). «Her er artistene i MGP 2019» (på norsk bokmål). Henta 25. januar 2019.
- ↑ kulturjournalist, Robert Hoftun Gjestad. ««Å prøve for hardt, er ikke en suksessformel»». Henta 25. januar 2019.
- ↑ «Keiino er årets MGP-vinner!» (på norsk). Henta 2. mars 2019.
- ↑ «Fred-Rene Øvergård Buljo». Arkivert frå originalen 26. januar 2019. Henta 25. januar 2019.
- Denne artikkelen bygger på «Fred-René Buljo» frå Wikipedia på bokmål, den 28. desember 2021.