Frederik Glad
norsk politikar
Fredrik Glad (8. august 1760–11. september 1840) var ein norsk gardbrukar, papirfabrikant og stortingsmann frå Christiania.
| Frederik Glad | |
| Statsborgarskap | Noreg |
| Fødd | 8. august 1760 Christiania |
| Død |
11. september 1840 (80 år) |
| Yrke | bonde, politikar |
| Språk | norsk |
| Ektefelle | Johanne Marie Elisabeth Dallas |
| Frederik Glad på Commons | |
Glad var son av ein kjøpmann i Christiania. Sjølv vart han student i 1777. To år etter overtok han storgarden Grefsen og Nedre papirmølle i Aker. Eit par år seinare gifta han seg med 15-16 år gamle Johanne Dallas, ei dansarinne ved Det Kongelige Teater i København, men opphavleg frå Hamburg.
Glad var 1. representant frå Akershus amt på Stortinget 1815-16. Han var medlem av fem komitear, mellom andre av komiteen om odelslova og komiteen for land- skog- og bergvesen.
Han styrte interessene sine frå Grefsen livet ut og døydde der i 1840.
Kjelder
endre- Lindstøl, Tallak:Stortinget og Statsraadet 1814-1914. Kristiania, 1914
- Biografisk informasjon om Frederik Glad NSD Norsk senter for forskningsdatas politikararkiv