Frederik Hegermann
Frederik Christian Otto Hegermann (22. juli 1769–27. mai 1841) var ein norsk offiser og stortingsmann.
| Frederik Hegermann | |||
_(2742226798).jpg) | |||
| Fødd | 22. juli 1769 Fredrikshald | ||
|---|---|---|---|
| Død | 27. mai 1841 (71 år) | ||
| Statsborgar av | Noreg | ||
| Yrke | Offiser | ||
| Verv | Stortingsrepresentant til Stortinget i 1814 | ||
| Alle verv |
| ||
Hegermann var fødd i Fredrikshald. Han vart offiser i 1785, og fire år seinare premierløytnant ved 1. trondhjemske infanteriregiment. Etter 1800 steig han i gradane; kaptein 1802, major 1811, oberstløytnant 1815, oberst 1818. I 1825 vart han generaladjutant for hæren, frå 1831 generalmajor og kommandant i Trondheim.
Hegermann deltok på det overordentlege stortinget 1814 som 2. representant frå Trondheim. Han var medlem av protokollkomiteen og komiteen om uavgjorte saker. 10. oktober 1814 var han medlem av deputasjonen som møtte Kristian Fredrik, og seinare av deputasjonen som møtte kronprins Karl Johan.
Perioden 1795-1825 budde Hegermann nokså fast på eigedomen Ranheim i Strinda. Han døydde 1841 på Rikshospitalet i Kristiania. Diderich Hegermann var ein eldre bror.
Utmerkingar endre
Hegermann var innehavar av Sverdordenen og Dannebrogordenen.
Kjelder endre
- Lindstøl, Tallak (1914). Stortinget og statsraadet: 1814-1914. Kristiania: Steen'ske bogtrykkeri. s. 359.
- Biografisk informasjon om Frederik Hegermann NSD Norsk senter for forskningsdatas politikararkiv