Fredrik G. Gade
Fredrik Georg Gade (4. juni 1830–16. mai 1905) var ein kjøpmann, skipsreiar og stortingsmann frå Bergen. Han var far til Fredrik Gade og Herman Gade.
| Fredrik G. Gade | |||
| Fødd | 4. juni 1830 Bergen | ||
|---|---|---|---|
| Død | 16. mai 1905 (74 år) | ||
| Statsborgar av | Noreg | ||
| Parti | Venstre | ||
| Yrke | forretningsdrivande, politikar | ||
| Barn | Fredrik Gade, Herman G. Gade | ||
| Alle verv |
| ||
Gade var son til ein kjøpmann. Han dreiv sjølv handel i heimbyen frå 1847, seinare var han også skipsreiar. Gade var med å stifte branntrygdelaget Vesta, og var i leiinga for laget i 25 år. Også styremedlem av livsforsikringsselskapet Hygea. Han var medlem av Bergens bystyre 1880-95, åtte av åra var han i formannskapet.
Gade var 3. representant frå Bergen på Stortinget 1883-85. Han var medlem av tollkomiteen, i 1883-sesjonen også av traktatkomiteen. På Stortinget slutta han seg til Stortingets Venstreforening då denne vart skipa.
I 1877 kjøpte Gade garden Øvre Fantoft i Fana. Her bygde han ein park med lange vegstrekningar. På Fantoft fekk han i 1883 sett opp den gamle stavkyrkja frå Fortun i Luster, kyrkja hadde han kjøpte av kyrkjelyden. Fantoft stavkyrkje brann ned i 1992, etter å ha vorte påtent.
Gade døydde i Frankfurt am Main i 1905.
Kjelder
endre{{refstart{{
- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Fredrik G. Gade NSD Norsk senter for forskningsdatas politikararkiv