Frode Grodås
Treng oppdatering |
Frode Grodås (fødd 24. oktober 1964 i Hornindal) er ein norsk tidlegare fotballspelar og noverande trenar. Han er sidan 2010 målvaktstrenar for det norske herrelandslaget i fotball. Grodås var målvakt på topplan i 23 år, mellom anna var han norsk landslagskaptein under VM i 1998.
.jpg) | |||
| Fødd | 24. oktober 1964 | ||
|---|---|---|---|
| Fødestad | Hornindal, Volda kommune | ||
Spelar
endreGrodås spelte i 1981-sesongen for femtedivisjonslaget Hornindal Idrettslag i heimbygda. Året etter debuterte han i den norske toppserien som 17-åring for Sogndal.
Sidan spelte Grodås for Lillestrøm Sportsklubb, der han var med å vinne seriemeisterskpen i 1989. Frå 1996 spela han for klubbar i England, Tyskland og Spania. I 1997 opplevde han høgdepunktet i si tid som klubbspelar; han stod i mål for Chelsea då laget vann FA-cupen. Tida 1998-2002 var han reservekeeper i høvesvis Tottenham og Schalke 04. Schalke 04 hyra han inn for å erstatte Jens Lehmann, men han vart etter nokre månader leigd ut til den spanske klubben Racing Santander. Han avslutta si tid som spelar i førstedivisjonsklubben Hønefoss åra 2002 og 2003.
Grodås spelte 50 landskampar for Noreg. Han debuterte i 1991, og spelte sin siste landskamp i 2002 mot Danmark i ein kamp som enda 2–2. Høgdepunktet som landslagsmålvakt kom då Noreg sigra over Brasil i verdsmeisterskapen 1998 med siffera 2-1. Større delar av si tid i landslagstroppen tevla han med Erik Thorstvedt om målvaktsplassen, såleis vart han sitjande på benken i mange landskampar.
Trenar
endreGrodås var i 2006-sesongen hovudtrenar for Hamarkameratene. Sesongen enda med direkte nedrykk frå Tippeligaen, noko som førte til at Grodås slutta som trenar etter sesongslutt.
Etter å ha fungert som målvaktstrenar for Lillestrøm Sportsklubb i perioden 2007 til 2010, er han frå sitsnemnde år målvaktstrenar for det norske herrelandslaget i fotball.
Klubb- og kampoversyn
endre| Klubb | Kampar | Mål | Periode |
|---|---|---|---|
 Noreg; Hornindal Idrettslag
|
–1982 | ||
| Noreg; Sogndal Fotball
|
1982–1986 | ||
| Noreg; Lillestrøm Sportsklubb
|
182 | 1 | 1986–1996 |
 England; Chelsea FC
|
21 | 0 | 1996–1998 |
| England; Tottenham Hotspur FC
|
0 | 0 | 1998 |
 Tyskland; Schalke 04
|
3 | 0 | 1998–2002 |
 Spania; Racing Santander
|
6 | 0 | 1999 |
| Noreg; Hønefoss Ballklubb
|
49 | 0 | 2002–2003 |