Fylkesveg 474 går mellom Malmøy og Hald i Mandal kommune. Vegen er 1,9 km lang. Han dannar ein ringveg i Mandal med fylkesveg 477 (tidlegare fylkesveg 201), og møter difor denne vegen to separate stader.
Denne vegen var ein del av dåverande E18, no kalla E39, fram til Kirkeheitunnelen med Skarvøybruene vart opna i 1992. Fleire hus låg då rett inntil vegen utan støyskjermar, men trafikken har sokke vesentleg sidan då.
Fram til 2019 hadde vegen nemninga fylkesveg 205 i Vest-Agder.[1]
