Gediz Nehri
Gediz Nehri er den nest lengste elva i Anatolia som munnar ut i Egearhavet. I antikken vart ho kalla Hermos og Hermus.
| Gediz Nehri | |||
| elv | |||
 Den nedre delen av Gediz Nehri
| |||
| Land |  Tyrkia
| ||
|---|---|---|---|
| Lengd | 401 km | ||
| Kjelde | provinsen Kütahya | ||
| Munning | Egearhavet | ||
| - koordinatar | 38°35′18″N 26°48′57″E / 38.58833°N 26.81583°E | ||
 Gediz Nehri 38°35′18″N 26°48′57″E / 38.588333333333°N 26.815833333333°E | |||
| Wikimedia Commons: Gediz River | |||
I antikken skilde Hermos Aeolia og Jonia, utanom det joniske Fokaea, som låg nord for Hermos. Hermosdalen var hjarte i Lydia i antikken og hovudstaden Sardis låg i dalen.
I dag renn elva gjennom Egearregionen i Tyrkia og berre Büyük Menderes, som ho renn parallelt til, er lengre av dei tyrkiske elvane som renn ut i Egearhavet.
Gediz spring ut frå Murat og Şaphane i provinsen Kütahya og renn gjennom Uşak, Manisa og provinsen İzmir. Ho munnar ut i havet nord i Izmirbukta, nær landsbyen Maltepe i Menemen sør for kystbyen Foça.
Gediz-deltaet er eit viktig naturreservat og fleire sjeldne fugleartar held til her. Men på grunn av at vatnet i elva vert nytta til store vatningsprosjekt i samband med Demirköprüdemninga, er det i dag lite vatn i deltaet.[1] Mykje utbygging og industrialisering har òg gjort at Gediz er råka av kraftig forureining, særleg på grunn av sandtak og lêrindustri.
Kjelder
endre- Denne artikkelen bygger på «Gediz River» frå Wikipedia på engelsk, den 11. august 2012.
- Wikipedia på engelsk oppgav desse kjeldene:
- ↑ «Case study: Gediz River, Turkey». OPTIMA (Optimisation for Sustainable Water Resources Management).[daud lenkje]
