Gediz Nehri

Gediz Nehri er den nest lengste elva i Anatolia som munnar ut i Egearhavet. I antikken vart ho kalla Hermos og Hermus.

Gediz Nehri
elv
GedizRiver IzmirProvince Turkey.jpg
Den nedre delen av Gediz Nehri
Land Flag of Turkey.svg Tyrkia
Lengd 401 km
Kjelde provinsen Kütahya
Munning Egearhavet
 - koordinatar 38°35′18″N 26°48′57″E

Gediz Nehri
38°35′18″ N 26°48′57″ E
Wikimedia Commons: Gediz River

I antikken skilde Hermos Aeolia og Jonia, utanom det joniske Fokaea, som låg nord for Hermos. Hermosdalen var hjarte i Lydia i antikken og hovudstaden Sardis låg i dalen.

I dag renn elva gjennom Egearregionen i Tyrkia og berre Büyük Menderes, som ho renn parallelt til, er lengre av dei tyrkiske elvane som renn ut i Egearhavet.

Gediz spring ut frå Murat og Şaphane i provinsen Kütahya og renn gjennom Uşak, Manisa og provinsen İzmir. Ho munnar ut i havet nord i Izmirbukta, nær landsbyen Maltepe i Menemen sør for kystbyen Foça.

Gediz-deltaet er eit viktig naturreservat og fleire sjeldne fugleartar held til her. Men på grunn av at vatnet i elva vert nytta til store vatningsprosjekt i samband med Demirköprüdemninga, er det i dag lite vatn i deltaet.[1] Mykje utbygging og industrialisering har òg gjort at Gediz er råka av kraftig forureining, særleg på grunn av sandtak og lêrindustri.

KjelderEndra

  1. «Case study: Gediz River, Turkey». OPTIMA (Optimisation for Sustainable Water Resources Management). 

BakgrunnsstoffEndra

  Commons har multimedium som gjeld: Gediz Nehri