Geir Ugland Jacobsen

Geir Ugland Jacobsen (f. 1957) er ein norsk siviløkonom og politikar frå Oslo. Han er frå mai 2021 partileiar for Demokratane.

Geir Ugland Jacobsen
Geir Ugland Jacobsen.jpg
Fødd1957 (64 år)
PartiDemokratane
Yrkesiviløkonom, politikar, forretningsdrivande

Jakobsen har bakgrunn frå næringslivet. Han har tidlegare vore politikar for Framstegspartiet (Frp) og var valt i ei kampvotering som fylkesleiar i Oslo Frp frå februar 2020. Desember 2020 vart han kasta som fylkesleiar og ekskludert som partimedlem av sentralstyret i Frp, medan fylkeslaget vart sett under administrasjon.[1] Medan han var fylkesleiar markerte han seg som forkjempar for at Frp skulle gå i meir nasjonalkonservativ retning og kom med utsegner som sette posisjonane til Siv Jensen som partileiar og førstekandidat i Oslo i tvil.[2]

Den 18. januar 2021 vart han ny fylkesleiar for Demokratane i Oslo. Jakobsen har uttalt at det truleg blir eit namnebytte på partiet, som del av ein omstart.[3] Nokre av kjernesakene til partiet vil ifølgje han vere motstand mot overnasjonal styring, vern om ytringsfridommen og reduksjon i offentleg pengebruk.[4]

KjelderEndra

  1. «Oslo Frp settes under administrasjon». Aftenposten. 15. desember 2020. Henta 6. september 2021. 
  2. «Ekskludert Frp-topp slår tilbake: Her er dokumentet han mener beviser at Siv Jensen lyver om bråket i Fremskrittspartiet». TV2. 9. januar 2021. Henta 6. september 2021. 
  3. «Ugland Jacobsen slår seg sammen med Vidar Kleppe i Demokratene». TV2. 29. desember 2020. Henta 6. september 2021. 
  4. «Geir Ugland Jacobsen: Dette er Demokratenes kjernesaker». Resett. 31. januar 2021. Henta 6. september 2021. 
  Denne biografiartikkelen er ei spire. Du kan hjelpe Nynorsk Wikipedia gjennom å utvide han.