Gerardus 't Hooft

Gerardus 't Hooft (fødd 5. juli 1946 ) er ein nederlandsk fysikar og nobelprisvinnar. Han vart tildelt Nobelprisen i fysikk i 1999 for hans avgjerande bidrag innan kvantestrukturen og teorien for elektrosvak vekselverknad i fysikken. Han delte prisen med landsmannen Martinus J.G. Veltman, som òg var hans doktorgradrettleiar.

Gerard 't Hooft
November 2008
Fødd	5. juli 1946 (78 år) Den Helder i Nederland
Nasjonalitet	Nederlandsk
Område	teoretisk fysikk, fysikk
Yrke	teoretisk fysikar, pedagog, professor, faglitterær forfattar, fysikar, universitetslærar
Institusjonar	Universitetet i Utrecht Universitetet i Leiden CERN
Alma mater	Universitetet i Utrecht
Doktorgradsrettleiar	Martinus J. G. Veltman
Kjend for	Kvantefeltteori Kvantegravitasjon
Medlem	Det franske vitskapsakademiet National Academy of Sciences Koninklijke Nederlandse Akademie van Wetenschappen American Academy of Arts and Sciences Académie royale des sciences, des lettres et des beaux-arts de Belgique Det russiske vitskapsakademiet Koninklijke Vlaamse Academie van België voor Wetenschappen en Kunsten

't Hooft tok ein doktorgrad i fysikk ved Universitetet i Utrecht i 1972 og har vore professor ved dette universitetet sidan 1977. Han har vore representant for det nederlandske vitskapsakademiet sidan 1982.

't Hooft og Veltman utvikla dei matematiske årsakene for den såkalla Standardmodellen for elementærpartiklar som skildrar og grupperer alle kjende slike partiklar. Gjennom arbeidet deira kan eigenskapane til partiklane reknast ut og føreseiast på ein betre måte. Mspesifikt utvikla dei ein metode for å demonstrere at gaugeteoriar med spontant symmetribrot er renormerbare. Det viktigaste dømet frå ein slik teori er teorien for den svake vekselverknaden som vart fremma av Sheldon Glashow i Steven Weinberg og Abdus Salam. Dette beviset var det avgjerande steget som førte til at Standardmodellen vart akseptert blant deo allmenne fysikarane.

Han har òg fått Lorentzmedaljen (i 1986) og Wolfprisen (i 1981).

Kjelder

• Denne artikkelen bygger på «Gerardus 't Hooft» frå Wikipedia på bokmål, den 22. februar 2012.

Bakgrunnsstoff

Wikimedia Commons har multimedia som gjeld: Gerardus 't Hooft

• Nobelprize.org, Nobeltalen
• Hjemmesidan til G. 't Hooft.