Getxo

Getxo (spansk Guecho) er ein by i provinsen Bizkaia i den autonome regionen Baskarland nord i Spania. Han er ein del av storbyområdet rundt Bilbao og har om lag 80 000 innbyggjarar. Getxo er i hovudsak eit rikt bustadområde og den tredje største kommunen i Bizkaia.

Getxo
Byvåpenet til Getxo
Plassering
Styresmakter
Land	Spania
Autonom region	Baskarland
Provins	Bizkaia
Grunnlagd	1075
Borgarmeister	Imanol Landa
Geografi
Flatevidd  - By	11,89 km²
Innbyggjarar  - Totalt (2008)    - folketettleik	81 260   6 834,3 /km²
Koordinatar	43°20′N 3°0′W
Høgd over havet	50 moh
Diverse annan informasjon
Postnummer	48991 - 48993 - 48990 - 48930
Nettstad: www.getxo.net

Historie

Getxo var eit sokn (anteiglesia, elizatea) og eit landleg område ved ei stor strand ved munningen av Bilbaoestuaret. Senteret var den vesle fiskelandsbyen Algorta. Soknrådet møtte ved kyrkja Getxoko Andra Mari (baskisk) eller Santa María de Getxo (spansk) (begge tyder «Vår frue av Getxo»), ikkje lang frå neset Punta Galea.

Las Arenas - Areeta og Portugalete. Brua heiter «Puente Colgante» av Bizkaia.

Med industrialiseringa på 1800-talet utvikla somme område av Getxo seg til bustadområde for den øvre klassen i området. Landsbyen Algorta voks rundt kyrkja San Nicolás og kanaliseringa av elvemunningen gjorde at det kunne byggjast på stranda, distriktet Areeta (baskisk) eller Las Arenas (spansk). Nær Areeta / Las Arenas, på andre sida av vegen til Bilbao, voks det fram ein arbeidarklassebydel kalla Romo. På 1900-talet nådde byområde dei landlege områda ved Santa María de Getxo.

Getxo, samt det omliggande området kalla Uribe-Kosta, voks raskt dei siste tiåra av 1900-talet. Tidleg i 1980-åra hadde byen berre 50 000 innbyggjarar, medan han no har over 80 000.

Bakgrunnsstoff

• Bilete frå Getxo Arkivert 2009-10-02 ved Wayback Machine.
• Offisiell side

Kjelder

• Denne artikkelen bygger på «Getxo» frå Wikipedia på engelsk, den 30. oktober 2009.