Golden Cap
Golden Cap er ein ås og ei klippe mellom Bridport og Charmouth i Dorset i England. Klippene er det høgaste punktet på sørkysten av Storbritannia. Åsen er eigd av National Trust og er ein del av Jurassic Coast, som er ein verdsarvstad. Namnet kjem av eit frambrot av gylden grønsandstein på toppen av klippa.
| Golden Cap | |||
| fjell | |||
 | |||
| Land |  England
| ||
|---|---|---|---|
| Område | Dorset | ||
| Fjellkjede | South Dorset Downs | ||
| Høgd | 191 moh. | ||
 Golden Cap 50°43′35″N 2°50′28″W / 50.726388888889°N 2.8411111111111°W | |||
| Wikimedia Commons: Golden Cap | |||
Golden Cap er det høgaste punktet på sørkysten av Storbritannia med ei høgd på 191 meter over havet. Åsen er synleg i fleire titals kilometer i kvar retning langs kysten. Det går ein kyststi opp til toppen frå Seatown. Like bak klippa ligg ein liten skog av (hovudsakleg) svartfuru, kalla Langdon Wood.
Ved botn av klippa ligg fleire store steinar der det er mogeleg å finne fossil, særleg etter at uvêr har flytta på steinane. Det er ofte tusenvis av fossil av ammonittar og belemnittar. Ein kan kome seg til botn av klippa frå Chideock Beach (Seatown) eller Charmouth. Dette kan derimot vere farleg fordi sjøen dekkjer heile stranda ved flo. Stundom kan det òg rase ut store steinar.
Kjelder endre
- Denne artikkelen bygger på «Golden Cap» frå Wikipedia på engelsk, den 19. januar 2010.