Gråflugesnappar

Gråflugesnappar (Muscicapa striata) er ein trekkfugl i flugesnapparfamilien. Han hekkar i store delar av Europa og Vest-Asia, og overvintrar hovudsakleg i den sørlege delen av Afrika.

Gråflugesnappar
Gråflugesnappar
Utbreiing og status
Status i verda: Livskraftig Utbreiinga av Gråflugesnappar
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Sporvefuglar Passeriformes
Familie:	Flugesnapparfamilien Muscicapidae
Slekt:	Muscicapa
Art:	Gråflugesnappar M. striata
Vitskapleg namn
Muscicapa striata Pallas, 1764

Skildring

Oversida er gråbrun. Undersida lys grå. Mørkare striper i lengderetninga på brystet. Hovudet har svartbrune flekker. Lengd: 14 - 16 cm.

Høgste alder påvist ved funn av fugl ringmerka i Noreg er 7 år og 1 månad.

Utbreiing

Gråflugesnappar finst stort sett over heile Noreg. Han er mindre vanleg i Troms og Finnmark. Ein reknar med at mellom 100 000 og 500 000 par hekkar i Noreg. Gråflugesnappar er ein typisk trekkfugl. Hausttrekket tek til i august. Det ser ut som dei fleste fuglane frå Noreg kryssar Middelhavet frå Italia. Gråflugesnappar forlet vinteropphaldsstaden i det sørlege Afrika i april, og kjem til Noreg i slutten av mai.

Gråflugesnappar er utbreidd over det meste av Europa. Han er å finne frå Midtausten til Pakistan og frå den sentrale delen av Afrika austover mot Mongolia. I Europa reknar ein med at det er mellom 14 og 22 millionar par.

Levevis

Reir med egg

Han held seg helst i blandingsskog med opne område. Han er ofte å sjå i parkar. Reiret ligg ope til i tre, bergveggar, hus,vedstablar og liknande stader. Han kan hekke i fuglekasser, men vil ha stor opning. Hoa legg oftast fem egg. Dei er lysegrøne, blå, eller gulaktig med brune eller grålege flekkar.Egga vert lagde i slutten av mai eller i juni. Dei ver ruga i om lag 1 dagar. Ungane flyg etter om lag 2 veker. Dei vert mata av foreldra etter dei har forlate reiret. Føda er for det meste flygande insekt.

Songen er svak og vekkjer lite merksemd.

Bakgrunnsstoff

Wikimedia Commons har multimedia som gjeld: Gråflugesnappar

• Norsk ornitologisk forening
• Norsk RingmerkingsAtlas. Volum 2. Stavanger 2006. ISBN 82-90054-65-3