Grassholm

Grassholm (walisisk Gwales eller Ynys Gwales) er ei lita folketom øy om lag 13 km sørvest for kysten av Pembrokeshire i Wales, vest for Skomer. Ho er det vestlegaste punktet i Wales og er kjend som fuglefjell for ein stor havsulekoloni. Grassholm har sidan 1947 vore eigd av Royal Society for the Protection of Birds og er eit av dei eldste reservata deira.

Grassholm dekt av havsuler.

Grassholm nasjonale naturreservat er den tredje viktigaste hekkestaden for havsule i verda. Her hekkar titusenvis av fuglar og dette er om lag 12 % av heile bestanden i verda. Det turbulente havet utanfor Grassholm er òg ein god fòrplass for nise og delfin.

Øya har vorte identifisert som Gwales, ei øy nemnd i Mabinogion. I Den andre greina av Mabinogi står det eit flott slott på Gwales, der det avhogde hovudet til Bran den heilage vart halde i live i 80 år.

Bakgrunnsstoff

• RSPB si nettside
• Ramsey Island RSPB naturreservat

Kjelder

• Denne artikkelen bygger på «Grassholm» frå Wikipedia på engelsk, den 27. mars 2010.
  • Wikipedia på engelsk oppgav desse kjeldene: