Grimstadgranitt

Grimstadgranitt er ein grovkorna, raud bergart. Bergarten er ein biotittgranitt som skjer gjennom eldre bergartar ved Grimstad i Aust-Agder. Grimstadgranitten størkna frå mamga på djupet for kring 910–950 millionar år sidan.

Granitten har blitt brukt i steinindustrien og er valt som fylkesstein for Aust-Agder.

Eit steinbrot i Fjæreheia vart opna i 1966 og steinen vart eksportert under namnet New Red Star. Drifta vart lagt ned etter 10 år, og brotet har i seinare tid vorte nytta som amfiteater.

Kjelder

• Bryhni, Inge. (14. februar 2009). Grimstadgranitt. I Store norske leksikon. Henta 14. februar 2014 frå http://snl.no/grimstadgranitt.