Gris-Gris

Gris-Gris Studioalbum av Dr. John
Språk	engelsk
Utgjeve	22. januar 1968
Sjanger	New Orleans R&B, psykedelisk rock
Lengd	33:12
Selskap	Atco
Produsent	Harold Battiste
Kritikk
Allmusic Rolling Stone Head Heritage (positiv)
Dr. John-kronologi
	Gris-Gris	Babylon (1969)

Gris-Gris er debutalbumet til Dr. John (Mac Rebennack). Det vart produsert av Harold Battiste og gjeve ut på Atco Records i 1968. Musikkstilen på albumet er ei blanding av New Orleans-rhythm and blues og psykedelisk rock. Trass i New Orleans-stilen, vart albumet spelt inn i California med fleire musikarar frå New Orleans.

Gris-Gris nådde ikkje salslistene då det kom ut, men har sidan fått mykje god kritikk av moderne kritikarar. Mellom anna er det plasser på 143. plass på lista til Rolling Stone over dei 500 beste albuma gjennom tidene.

Produksjon

Før innspelinga av albumet, var Rebennack ein erfaren New Orleans-R&B- og rockemusikar som spelte som studiomusikar, låtskrivar og produsent i New Orleans. På grunn av problem med lova og dop, flytte Rebennack til Los Angeles i 1965, der han slo seg saman med ei gruppe studiomusikarar frå New Orleans. Rebennack levde av å spele på forskjellige pop- og rockeinnspelingar, ofte i lag med arrangøren Harold Battiste.

Rebennack ønskte å lage eit album som kombinerte forskjellige delar av New Orleans-musikk og kalla seg Dr. John, etter ein svart mann kalla Dr. John Montaine, som hevda å vere ein afrikansk potentat. Rebennack ønskte opphavleg New Orleans-songaren Ronnie Barron til å fronte bandet som Dr. John, men Don Costa, som var manager for Barron på denne tida, tilrådde han til å ikkje gjere dette. Rebennack tok då sjølv scenenamnet Dr. John.

Gris-Gris vart spelt inn i Gold Star Studios i Los Angeles i California. Med eit album klar for innspeling, men ingen førebudde songar, bestilte Dr. John studiotid, som opphavleg var reservert for Sonny & Cher.

Utgjeving og mottaking

Gris-Gris kom ut i 1968 på Atco Records, ein etikett på Atlantic Records. Atlantic-sjef Ahmet Ertegun var motvillig til å gje ut albumet og sa: «Korleis kan me marknadsføre denne boogaloo-skiten?». Gris-Gris gjekk ikkje inn på salslistene. I nyare tid har albumet fått særs god kritikk og vart i 2003 rangert som det 143. beste albumet gjennom tidene av Rolling Stone.

Innhald

Side ein

Nr.	Tittel	Låtskrivar(ar)	Lengd
1.	«Gris-Gris Gumbo Ya Ya»	Dr. John Creaux	5:36
2.	«Danse Kalinda Ba Doom»	Creaux, Harold Battiste	3:39
3.	«Mama Roux»	Creaux, Jessie Hill	2:59
4.	«Danse Fambeaux»	Creaux	4:56

Side to

Nr.	Tittel	Låtskrivar(ar)	Lengd
1.	«Croker Courtbullion»	Battiste	6:00
2.	«Jump Sturdy»	Creaux	2:20
3.	«I Walk On Guilded Splinters»	Creaux	7:37

Medverkande

• Harold Battiste - arrangør, produsent, bass, klarinett, perkusjon
• Dr. John - tangentinstrument, gitar, perkusjon, vokal
• Richard 'Didimus' Washington - gitar, mandolin, perkusjon
• Plas Johnson - saksofon
• Lonnie Boulden - fløyte
• Steve Mann - gitar, banjo
• Ernest McLean - gitar, mandolin
• Bob Frasier, Bob West - bass
• Mo Pedido - conga
• John Boudreaux - trommer
• Dave Dixon, Jessie Hill, Ronnie Barron - korvokal, perkusjon
• Joni Jonz, Prince Ella Johnson, Shirley Goodman, Sonny Ray Durden, Tami Lynn - korvokal

Kjelder

• Denne artikkelen bygger på «Gris-Gris» frå Wikipedia på engelsk, den 19. april 2012.
  • Wikipedia på engelsk oppgav desse kjeldene:

Bakgrunnsstoff

• Gris-Gris på Rate Your Music
• Gris-Gris-tekst av Richie Unterberger

357:  Rain Dogs  Tom Waits

Plassering på lista til Rolling Stone frå 2020 over dei 500 beste albuma gjennom tidene 356 Gris-Gris  Dr. John

355:  Black Sabbath  Black Sabbath

144:  Straight Outta Compton  N.W.A.

Plassering på lista til Rolling Stone frå 2012 over dei 500 beste albuma gjennom tidene 143 Gris-Gris  Dr. John

142:  Phil Spector, A Christmas Gift for You  V.A.