Gunnar Garfors
Gunnar Magne Garfors (fødd 29. mai 1975 i Hammerfest) er ein norsk journalist, mediaekspert, forfattar og globetrotter. Han har arbeidd med kringkasting og nye medium sidan 2001 og har halde relevante presentasjonar i over 20 land.[1] Han fokuserer sterkt på kor viktig det er med kringkasting som distribusjonsform, i tillegg til internett.[2]
| Gunnar Garfors | |
| Statsborgarskap | Noreg |
| Fødd | 29. mai 1975 (49 år) Hammerfest |
| Yrke | journalist, rådgjevar, forfattar |
| Språk | norsk, engelsk |
| Nettstad | garfors.com |
Han har vitja alle verdas land [1] og er verdas yngste som har gjort det ved sidan av full jobb.[3] 18. juni, 2012 sette han ein Guinness-rekord saman med britiske Adrian Butterworth då dei som verdas første vitja fem verdsdelar på eit døgn.[4][5][6] I september 2014 sette Garfors ny verdsrekord då han saman med venene Øystein Djupvik og Tay-young Pak var innom 19 land på 24 timar.[7]
Garfors arbeider som distribusjonsrådgjevar i NRK i Oslo og leier den internasjonale radio- og TV-organisasjonen International DMB Advancement Group (IDAG). Han sat òg eitt år som nestsjef i EBU si ekspertgruppe innan mobile tenester i 2008 og 2009.[8] Garfors var dagleg leiar for Norges mobil-TV AS i 2008-2013. Selskapet var først i Europa til å lansere mobil-TV.sendingar via DMB i 2009.[9][10][11][12][13] Garfors skriv også om media og reise på sin eigen blogg, garfors.com.[14]
Han gav ut 198. Mi reise til alle verdas land, si første bok, på Samlaget i september 2014.[15] I samband med boklanseringa vitja Gunnar Garfors alle Noregs fylke på eit døgn i lag med bror sin Øystein. Dei skal vere dei første som har klart dette.[16] Han var éin av 18 forfattarar av Ete fysst på Selja Forlag som kom ut i oktober 2014.[17] Garfors har vidare fått artiklar publiserte i Afghanistan, Brasil, Tyskland, Storbritannia og USA.[18][19][20][21][22] I tillegg skriv han ei fast reisespalte i den japanske avisa Mainichi Weekly.[23]
Biografi
endreGarfors er eldst av sju born. Han vart fødd i Hammerfest men flytta tidleg til Naustdal i Sunnfjord der han vaks opp med mora Ruth Berit Stensletten Garfors, faren Reidar Magne Garfors og sine seks søsken. Han har også budd i Havøysund, Førde, Dublin, Falmouth, København og Taipei. No bur han i Oslo.[14]
Han spelte fotball for Førde IL i norsk 2. og 3. divisjon på 90-talet og vart lagets toppskårar to sesongar. Garfors spela òg for Falmouth Town i 1995-98 og trente med Plymouth Argyle i engelsk 2. divisjon saman med Kai Kilnes i 1996.[14]
Bibliografi
endreBøker
endre- 2014 – 198 : mi reise til alle verdas land (Oslo: Samlaget). ISBN 978-82-521-8458-7
- 2019 – Ingenstad : på tur til verdas minst besøkte land (Leikanger: Skald). ISBN 978-82-7959-290-7
- 2021 – Bortom allfarveg : 81 reisetips til ein spektakulær noregsferie (Leikanger: Skald). ISBN 978-82-7959-330-0
- 2022 – Vestlandet: bortom allfarveg : 99 reisetips til ein briljant ferie (Leikanger: Skald). ISBN 978-82-7959-339-3
- 2023 – Austlandet:88 fabelaktige reisetips (Leikanger: Skald). ISBN 978-82-7959-355-3
I bøker - eit utval
endre- 2014 – Ete fysst : 18 forteljingar om Sunnfjord (Førde: Selja). ISBN 978-82-8240-086-2 [Av innhaldet: Vi sunnfjordingar / Gunnar Garfors, s. 138-145]
Fotnotar
endre- ↑ 1,0 1,1 Gonsholt Simen V. «I dag er Gunnars livsverk komplett», Dagens Næringsliv, Oslo, May 10, 2013.
- ↑ Radiodays Europe 2012 «Presentation slides», Slideshare, Barcelona Marc 20, 2012
- ↑ Luigi, Patricia and Roger. 365 Destinations, Guaratuba, October 6, 2103 ]
- ↑ Driver, Carol. «Record breakers! Travellers make history by visiting FIVE continents in ONE day», The Daily Mail, London, March 21, 2014.
- ↑ Wong, Hiufu. «How to travel five continents in one day», CNN, Hong Kong, June 29, 2012.
- ↑ Staff writer. «Friends film visit to five continents in one day», BBC, Dorset, July 2, 2012.
- ↑ Berg, Marthe. «Nå har de satt verdensrekord!»
- ↑ Doyle James. Mobile TV World, London, October 4, 2012.
- ↑ Valmot, Odd Richard. «Seks kanaler i lomma i dag», Teknisk Ukeblad, Oslo, May 15, 2009.
- ↑ Briel, Robert. «Norway launches mobile TV via DMB», Broadband TV News. London, May 18, 2009.
- ↑ Baugerød Stokke, Ole Petter. «Gir nordmenn tv på do» Arkivert 2014-03-28 ved Wayback Machine., Computerworld. Oslo, November 10, 2009.
- ↑ Børringbo, Klaus. «Klart for mobil-tv i april», Aftenposten. Oslo, January 13. 2009.
- ↑ Weiby, Hans Erik Weiby and Slydal Johansen, Glenn. "Se NRK hvor som helst - på mini-tv", Norwegian Broadcasting Corporation. Oslo, May 15, 2009.
- ↑ 14,0 14,1 14,2 Garfors, Gunnar. «Gunnar Garfors Biography», garfors.com, Oslo, January 1, 2013.
- ↑ Stadheim, Ivar. «Fem kontinent på ein dag - no er han i Guinness rekordbok», Firda. Førde, March 19, 2014.
- ↑ Valaker, Jon. «De rakk 19 fylker på en dag», Bergens Tidende. Bergen, 17. september, 2014.
- ↑ Selja Forlag "Ete fysst - 18 forteljingar om Sunnfjord", Selja Forlag. Førde, 2014.
- ↑ Garfors, Gunnar. Afghanistan Scene. Afghanistan, June 7, 2012.
- ↑ Garfors, Gunnar. "Os paÌses menos visitados do mundo", Gabriel Quer Viajar. Brazil, June 3, 2012.
- ↑ Garfors, Gunnar. «DIE FÜNF UNZUGÄNGLICHSTEN LÄNDER», Capital. Germany, June 13, 2013.
- ↑ Garfors, Gunnar. «So you think it is only radio» Arkivert 2014-02-19 ved Wayback Machine., Eureka. London, September 5, 2013.
- ↑ Garfors, Gunnar. «Gunnar Garfors» Arkivert 2015-09-23 ved Wayback Machine., Business Insider. USA, 2013.
- ↑ Garfors, Gunnar. Mainichi Weekly, sidene 8-9. Japan, April 19, 2014
Bakgrunnsstoff
endre- Major Minor Details on Media and Technology on garfors.com