Hafslundbanen

Hafslundbanen er ein nedlagt industribane mellom Hafslund i Sarpsborg og Sundløkka i Fredrikstad. Den var eit sidespor til Østfoldbanen og vart opna 20. mars 1898 og er dermed den første, elektriske normalspora jernbanen i Norge. Den opphavlege traséen vart nedlagt i 1973 i samband med bygginga av Sannesundbrua.

Hafslundbanen
Hafslundbanen ved Hafslund karbidfabrikk Foto: Anders Beer Wilse (1925)
Info
Type	Industriell jernbane
System	Enkeltspora elektrifisert bane
Status	Nedlagt
Utgangsstasjon	Hafslund haldeplass
Endestasjon	Sundløkka
Drift
Opna	20. mars 1898
Eigar	Hafslund
Operatør(ar)	Hafslund Smelteverk
Type trafikk	Gods
Teknisk
Køyrestraum	600 V likestraum
Sporvidde	Normalspor
Lengde	5,5 km

Banen vart nytta av Hafslund Smelteverk for industriell transport til anlegget deira og til hamna på Sundløkka. Den vart elektrifisert med 600 V likestraum. Den 2 km lange strekninga frå anlegget til hamna vart nedlagt i 1967 etter at den hadde blitt øydelagt av flaum, medan resten av banen vart nedlagt seks år seinare. Samstundes vart ein ny uelektrifisert strekning sett i drift mellom Vestre linje sør for Hafslund kapell og smelteverket, denne var i drift til starten av 1980-åra. Dette sporet vart rive i 2001. Eitt lokomotiv er tatt vare på ved Krøderbanen.

Linjekart

Teiknforklaring
		Opphavleg strekning (1898–1973)
		Hafslund haldeplass Østfoldbanen til Rakkestad
		Gamle E6
		Haugeveien, Østfoldbanen til Halden
		Depot
		Industriområde
		Riksveg 111
		Ny strekning (1973 - 2001)
		Hafslund smelteverk
		Riksveg 111
		Aarum teglverk
		Sandesundbrua E6
		Sundløkka havn (1898 - 1967)
		Gretnes teglverk

Bakgrunnsstoff

• Hafslunbanen på Jernbane.net
• Norsk jernbaneklubb om Hafslundbanen Arkivert 2010-01-13 ved Wayback Machine.
• Lenkesamling om Hafslundbanen

Kjelder

• Denne artikkelen bygger på «Hafslundbanen» frå Wikipedia på bokmål, den 28. mai 2013.