Hal Sirowitz
Hal Sirowitz (fødd 1949) er ein diktar frå New York i USA. Han har gjort seg kjend gjennom diktframføringar og diktsamlingar. Desse er omsette til fleire språk. I Noreg fekk dei stor suksess med Erlend Loe som gjendiktar.
| Hal Sirowitz | |
| Statsborgarskap | USA |
| Fødd | 1949 (75 år) USA |
| Yrke | lyrikar |
Sirowitz budde lenge i Brooklyn i New York, der han var spesiallærar. Han flytta seinare til Philadelphia i Pennsylvania med kona Mary Minter Krotzer.
Hal Sirowitz blei først kjend som diktar då han deltok i slampoesi ved Nuyorican Poets Cafe. I 1993 deltok han i National Poetry Slam. Seinare framførte han dikta sine ulike stader i USA og på fjernsynsprogram som Spoken Word: Unplugged på MTV[1] og The United States of Poetry på PBS.[2]
Diktsamlinga Mother Said, som på norsk heitte Sa mor, blei ein stor suksess. I tillegg til store salstal i Noreg blei diktsamlinga dramatisert og sett opp ved Centralteatret i Oslo i 1999.
I 1994 blei Sirowitz tildelt NEA Fellowship in Poetry. Frå 2000 til 2003 var han offisiell diktar (Poet Laureate) for Queens i New York.[3]
Verkliste
endre- Girlie Pictures (1982)
- Happy Baby (1995)
- No More Birthdays (1993)
- Mother Said (1996, norsk Sa mor, 1997)
- My Therapist Said (1998, norsk Sa terapeuten min, 1999)
- Before During & After (2003)
- Father Said (2004)
Bakgrunnsstoff
endre- Offisiell nettstad
- Intervju med Hal Sirowitz Arkivert 2013-06-18 ved Wayback Machine. ved writersalmanac.publicradio.org
- Dikt av Hal Sirowitz ved writersalmanac.publicradio.org
Kjelder
endre- ↑ MTV's Unplugged series Episode Guide
- ↑ Hal Sirowitz ved IMDB.com
- ↑ Rapper wants to be poet laureate, BBC News, 9. april 2004
- Holly Vanderhaar, Hal Sirowitz, The Writer's Almanac, arkivert frå originalen 18. juni 2013, henta 24. februar 2013
- «Hal Sirowitz», Store norske leksikon, 09.06.2009
- http://www.bibsys.no Arkivert 2017-12-03 ved Wayback Machine.
- http://www.halsirowitz.com