Haldor Virik
Haldor Virik (3. juli 1880–17. august 1958) var ein norsk skipsreiar og politikar frå Sandar i Vestfold. Han representerte Frisinna Venstre på Stortinget 1922-24, vald frå Vestfold fylke.
| Haldor Virik | |||
| Fødd | 3. juli 1880 | ||
|---|---|---|---|
| Død | 17. august 1958 (78 år) | ||
| Statsborgar av | Noreg | ||
| Parti | Frisindede Venstre | ||
| Yrke | politikar | ||
| Alle verv |
| ||
Bondesonen Virik utdanna seg til forretningslivet, arbeidde utanlands i fleire år. I 1907 byrja han som meklar heime i Sandar, tre år seinare grunnla han sitt eige reiarlag. Allereie før 1914 disponerte han ein stor kvalfangarflåte. Frå 1920-åra vart han meir og meir reiar innom skipsfart.
Tingperioden 1922-24 var han stortingsmann frå Vestfold. På Tinget var han medlem i Næringskomite nr 1. Han var også aktiv i lokal samfunnsstyring, såleis formannskapsmedlem 1920-25 i Sandar, ordførar i heradet 1938-40 og 1945-47. I tillegg var han formann i «en rekke kommunale komiteer»[treng kjelde] og med styreverv i private verksemder. Etter Frisinna Venstre gjekk i oppløysing, sokna han til partiet Høgre.