Halfdan Torp

Halfdan Torp (24. september 1849–12. mai 1888) var ein norsk sakførar og stortingsmann, fødd i Innvik i Nordfjord.

Halfdan Torp
Fødd	24. september 1849 Innvik
Død	12. mai 1888 (38 år) Christiania
Yrke	advokat, politikar

Torp var son til ein offiser. Sjølv vart han student frå Bergens katedralskule i 1868 og cand. jur. i 1872. Deretter var han eit par år fullmektig hos sorenskrivaren i Nedre Romerike, frå 1875 sakførar i Risør. Han var i fleire år medlem av bystyret i Risør, ei tid varaordførar. Tida 1876-82 redigerte han også 'Nedenes Amtstidende'.

Torp møtte 1885-sesjonen på Stortinget, i staden for Søren Hille. Han var då fyrste varamann frå Risør. I den neste perioden var han byen sin faste representant på tinget. I 1885 var han medlem av jarnbanekomiteen, 1886-88 av næringskomite nr 2.

Han døydde i 1888, under stortingsopphaldet i Kristiania.

Kjelder

• Lindstøl, Tallak:Stortinget og Statsraadet 1814-1914. Kristiania, 1914
• Biografisk informasjon om Halfdan Torp NSD Norsk senter for forskningsdatas politikararkiv