Halvor Olaus Christensen

Halvor Olaus Christensen (18. februar 1800–10. juni 1891) var ein norsk embetsmann og politikar. Han var byfogd, byskrivar og politimeister i Stavanger i ei årrekkje, og representerte byen på Stortinget.

Halvor Olaus Christensen
Statsborgarskap	Noreg
Fødd	18. februar 1800 Hemnes i Aurskog-Høland
Død	10. juni 1891 (91 år) Stavanger kommune
Yrke	politikar, jurist
Språk	norsk
Far	Christian Christensen Kollerud

Christensen var på alle storting mellom 1833 og 1873, bortsett frå sesjonane i 1851, 1857 og 1869. Han var lagtingspresident i 1845, 1854 og 1862-69 og stortingspresident i 1848. Han var medlem i fleire av stortingets viktigaste komitear, og var ofte komiteleiar i desse. Han arbeidde mykje med ulike politiske reformer, som til dømes innføring av årvisst storting og oppheving av statthaldarposten. I spørsmåla kring unionen gjekk han inn for full jamstilling mellom Noreg og Sverige.

Christensen var son av Eidsvollsmannen Christian Christensen Kollerud.

Kjelder

• Lindstøl, Tallak: Stortinget og Statsraadet 1814-1914. Kristiania, 1914

• Denne artikkelen baserer seg heilt eller delvis på det danske Salmonsens konversationsleksikon 2. utgåve (1915–1930).

Biografisk informasjon om Halvor Olaus Christensen NSD Norsk senter for forskningsdatas politikararkiv