Hans Rolfsen
Hans Jakob Rolfsen (14. september 1820–26. september 1893) var ein norsk lensmann, gardbrukar og stortingsmann frå Hægebostad i Vest-Agder.
| Hans Rolfsen | |
| Statsborgarskap | Noreg |
| Fødd | 14. september 1820 |
| Død |
26. september 1893 (73 år) |
| Yrke | politikar |
| Språk | norsk |
Rolfsen var son til ein gardbrukar på Eilefstad i Hægebostad. Han gjekk eit par år på ein privatskule i heimbygda, oppretta og driven av soknepresten. Deretter var han så på kontoret til futen i Farsund i tre år, og sidan ti år hos futen i Valdres. Frå i kring 1850 var han gardbrukar på Birkeland, til han i 1863 kjøpte garden Tingvatne i Hægebostad og busette seg der. Året før hadde han vorte lensmann i Hægebostad, ei stilling han hadde til han døydde. Rolfsen var medlem av heradsstyret i 30 år, ordførar 1856-63. Medlem av forlikskommisjonen 1872-81.
Rolfsen representerte Lister og Mandals amt på Stortinget frå 1857 til 1866. Han var medlem av budsjettkomiteen på alle dei ordinære tingsamlingane, sekretær 1865-66. Elles var han visesekretær i Odelstinget 1862-63 og på omframstortinget 1864, samt medlem av Lagtinget 1865-66.
Han døydde på garden sin, Tingvatne i Hægebostad, i 1893.
Kjelder endre
- Lindstøl, Tallak: Stortinget og Statsraadet 1814-1914. Kristiania, 1914