Harper Lee
Nelle Harper Lee (28. april 1926–19. februar 2016[1]) var ein amerikansk romanforfattar som er kjent for den pulitzerprisvinnande romanen sin frå 1960, Drep ikke en sangfugl (To Kill a Mockingbird), som fortalde om rasismen ho var vitne til som barn i heimbyen Monroeville i Alabama. Sjølv om Lee berre utgav denne eine boka i løpet av eit halvt hundreår, vart ho lønt med Fridomsmedaljen til presidenten for sitt bidrag til litteraturen.[2] Romanen har vore pensum for generasjonar av skuleelevar og selt i meir enn 30 millionar eksemplar.[3] Lee har motteke ei rekkje ærestilvisingar, og har avstått å tala ved kvart høve. Ho var assistent for den nære venen sin Truman Capote i undersøkingane til boka Med kaldt blod (1966).[4]
| Harper Lee | |
 | |
| Pseudonym | Harper Lee |
| Statsborgarskap | USA |
| Fødd | 28. april 1926 Monroeville |
| Død |
19. februar 2016 (89 år) |
| Yrke | skribent, romanforfattar, musikar, manusforfattar, diktarjurist, prosaforfatter, skodespelar |
| Språk | engelsk |
| Sjanger | Sørstatsgotikk |
| Medlem av | American Academy of Arts and Letters, Chi Omega |
| Far | Amasa Coleman Lee |
| Mor | Frances Cunningham Finch |
| |
| Harper Lee på Commons | |
I februar 2015, då ho var 88 år gammal, bortimot blind og døv etter eit slag i 2007, og etter eit langt liv der ho hadde halde fast på at ho aldri ville gi ut endå ein roman, gav ho ei melding gjennom advokaten sin om at «Eg lever og sparkar og er lykkeleg som berre det med reaksjonane med Vaktposten». Meldinga innebar at Lee ville gje ut sin andre roman, Sett ut en vaktpost, som var blitt skriven før den første romanen som då var komen ut for 55 år sidan.[5][6] Romanen vart gjeven ut i USA og i omsetjing i minst 25 andre land, inkludert Noreg, den 14. juli 2015.[3]
Kjelder
endre- ↑ «Harper Lee dead at age of 89: 'To Kill a Mockingbird Author' passes away». al.com. 19. februar 2016. Henta 19. februar 2016.
- ↑ "President Bush Honors Medal of Freedom Recipients" (pressemelding). Det kvite huset. 5. november 2007.
- ↑ 3,0 3,1 Moxnes, Agnes (25. juni 2015): «Jakten på en vellagret roman», NRK ytring
- ↑ Harris, Paul (4. mai 2013): «Harper Lee sues agent over copyright to To Kill A Mockingbird». The Guardian.
- ↑ Trachtenberg, Jeffrey A. (5. februar 2015): «Harper Lee Is ‘Happy as Hell’ With Reactions to ‘Go Set a Watchman’», The Wall Street Journal, Speakeasy
- ↑ Tucker, Neely (16. februar 2015): «To shill a mockingbird: How a manuscript’s discovery became Harper Lee's 'new' novel». The Washington Post.
- Denne artikkelen bygger på «Harper Lee» frå Wikipedia på bokmål, den 20. november 2021.
Bakgrunnsstoff
endre
- Harper Lee ved The Internet Movie Database (IMDb)