Hawkshead
Hawkshead er ein landsby og eit parish i Cumbria i England. Innanfor parish-grensene ligg bygdene Hawkshead Hill i nordvest, og Outgate i nord. I Hawkshead ligg det ein barneskule, men ingen ungdomsskule, og fire pubar.
Hawkshead | |||
landsby | |||
Land | England | ||
---|---|---|---|
Region | Nordvest-England | ||
Fylke | Cumbria | ||
Distrikt | South Lakeland | ||
Hawkshead 54°22′30″N 2°59′56″W / 54.375°N 2.999°W | |||
Wikimedia Commons: Hawkshead | |||
Geografi endre
Hawkshead ligg like nord for Esthwaite Water, i ein dal vest for Windermere og aust for Coniston Water. Han høyrer til regionen Furness, og er dermed historisk sett ein del av grevskapet Lancashire.
Historie endre
Hawkshead høyrde opphavleg til munkane ved Furness Abbey. Colthouse i nærleiken har namn etter stallane til klosteret. Hawkshead voks til ein viktig ullmarknad i mellomalderen, og blei seinare til ein marknandsby etter oppløysinga av klostera i England i 1532. Byen fekk sitt fyrste marknads-charter av kong Jakob I i 1608. I 1585 blei Hawkshead Grammar School skipa av erkebiskop Edwin Sandys av York etter å ha fått løyve frå dronning Elizabeth I.
Hawkshead fekk lokal tyding på 1700- og 1800-talet. Diktaren William Wordsworth var elev ved Hawkshead Grammar School. Landsbyen er skildra i Wordsworth sitt dikt The Prelude. Beatrix Potter budde i nærleiken med ektemannen sin William Heelis, ein advokat frå landsbyen.
Med skipinga av Lake District nasjonalpark i 1951 fekk turisme ei større tyding i området, men det blir også drive tradisjonelt landbruk rundt landsbyen.
Mange av eigedommane i og rundt landsbyen tilhøyrer no verneorganisasjonen National Trust. Namnet på National Trust-eigedommen er Hawkshead and Claife.
Galleri endre
-
Hawkshead Parish Church, bygd i 1300 og gjenoppbygd på 1500-talet
-
St Michael and All Angels', grunnlagd på 1100-talet.
-
Old Courthouse
-
Hawkshead Grammar School
-
Smug i Hawkshead
-
Honey Pot Cottage i Outgate
-
Hus i Hawkshead
Kjelder endre
- Denne artikkelen bygger på «Hawkshead» frå Wikipedia på engelsk, den 23. august 2021.