Heidi Zurbriggen

Heidi Zurbriggen (fødd 16. mars 1967) frå Saas-Almagell i kantonen Valais i Sveits, er ein sveitsisk, tidlegare skirennar. Ho vann to VM-sølv i utfor og tre enkeltrenn i verdscupen i alpine greiner. Pirmin Zurbriggen er ein eldre bror.

Heidi Zurbriggen
Statsborgarskap	Sveits
Fødd	16. mars 1967 (57 år) Saas-Almagell
Idrett	alpint
Tok del i	Vinter-OL 1992, Vinter-OL 1994, Vinter-OL 1998

Karriere

Aktiv

Zurbriggen kom første gongen på pallen i verdscupen 12. desember 1986 då ho kom på tredjeplass i utfor i Val-d’Isère. I desember 1987 vart ho skadd under trening og mista resten av sesongen. Under verdsmeisterskapen i alpint 1989 i Vail kom ho på fjerdeplass i utfor, fire hundredels sekund bak bronsevinnaren.

Under VM i alpint 1996 i Sierra Nevada fekk Zurbriggen sølvmedalje i utfor bak Isolde Kostner. 6. mars 1996 vann ho sin første av totalt tre sigrar i verdscupen, då ho vann i utforløypa i Kvitfjell i Øyer. Ho tok endå eit VM-sølv i utfor under VM i alpint 1997 i Sestriere, seks hundredelar bakom Hilary Lindh frå USA.

Zurbriggen la opp i 1997.

Sigrar i verdscupen

Dato	Sted	Land	Disiplin
6. mars 1996	Kvitfjell	Noreg	Utfor
11. januar 1997	Bad Kleinkirchheim	Austerrike	Utfor
23. januar 1997	Cortina d'Ampezzo	Italia	Utfor

Kjelder

• Denne artikkelen bygger på «Heidi Zurbriggen» frå Wikipedia på tysk, den 13. januar 2012.

Bakgrunnsstoff

• (en) Heidi Zurbriggen – Profil og resultatoversikt hos FIS
• Nettstaden til Heidi Zurbriggen