Hereford

Hereford (walisisk Henffordd) er administrasjonsbyen i grevskapet Herefordshire i det vestlege England. Han ligg ved elva Wye, kort veg frå grensa til Wales. I 1189 vart byen i eit offisielt dokument omtalt som «Hereford i Wales».

Hereford
Herefordkatedralen og Wye Bridge Herefordkatedralen og Wye Bridge
Plassering
Styresmakter
Land	Storbritannia
Konstituerande land	England
Grevskap	Herefordshire
Distrikt	Herefordshire
Geografi
Innbyggjarar  - By (2007)	59 092
Koordinatar	52°03′″N 2°43′″W
Diverse annan informasjon
Postnummer	HR1
Telefon-retningsnummer	01432
Commons har multimedium som gjeld: Hereford

Herefordkatedralen vart reist i 1079. I katedralsbiblioteket vert Mappa Mundi oppbevart, eit verdskart frå 1200-talet.

Byen er kjent som eit handelssenter for jordbruksområda i omegnen. Viktige produkt er sider, øl, lêrvarer, kveg, metallvarer og kjemikaliar.

Eliteavdelinga til Den britiske hæren, Special Air Service (SAS), har basen sin i Hereford, i utkanten av byen.

Fram til 1. april 1998 var byen eit administrativt distrikt, først i Herefordshire til 1974 og så i Hereford og Worcester. Da Herefordshire vart gjenoppretta som grevskap i 1998 vart distriktsinndelinga fjerna, og byen vart i staden administrasjonssenter for heile Herefordshire.

Den lokale fotballklubben er Hereford United FC.

Kjelder

• Denne artikkelen bygger på «Hereford» frå Wikipedia på bokmål, den 13. juli 2011.