Herman Vogt Krefting
Herman Peter Vogt Krefting (14. mai 1784–8. desember 1863) var ein norsk jurist og stortingsmann. Han var fødd i København som son av eigaren av storgarden Falkensten i Horten.
| Herman Vogt Krefting | |
| Statsborgarskap | Noreg |
| Fødd | 14. mai 1784 København |
| Død |
8. desember 1863 (79 år) |
| Yrke | jurist, politikar |
| Språk | norsk |
Folketeljinga 1801 viser at Krefting då gjekk latinskulen på Kongsberg. Deretter studerte han jus og vart cand. jur. i 1807. Han arbeidde så som sakførar, før han var konstituert sorenskrivar i elleve år, dels i Aker og dels i Moss. I tillegg var han overrettsprokurator i Christiania frå 1814. Same året vart han også justissekretær i Trondhjems stiftsoverrett.
Krefting representerte Moss på det overordentlege Storting i 1814. Han var då visesekretær i Odelstinget.
På 1820-talet vart Krefting permittert frå embeta sine, grunna sinnssjukdom. I 1828 fekk han avskjed med pensjon. Dei siste 25 åra av livet budde han hos ei dotter i Fredrikstad, der han døydde 79 år gammal.
Kjelder
endre- Lindstøl, Tallak:Stortinget og Statsraadet 1814-1914. Kristiania, 1914
- Biografisk informasjon om Herman Vogt Krefting NSD Norsk senter for forskningsdatas politikararkiv