Hevel Eilot regionale kommune
Hevel Eilot regionale kommune (hebraisk skrift מועצה אזורית חבל אילות, Mo'atza Azorit Hevel Eilot) er ein regional kommune i Det sørlege distriktet i Israel, nær byen Eilat. Han er den sørlegaste, regionale kommunen i Israel.
| Hevel Eilot regionale kommune | |||
| regional kommune | |||
 | |||
| Land |  Israel
| ||
|---|---|---|---|
| Distrikt | Det sørlege distriktet | ||
| Koordinatar | 29°55′59″N 35°04′01″E / 29.933°N 35.067°E | ||
 Hevel Eilot regionale kommune 29°55′59″N 35°04′01″E / 29.933°N 35.067°E | |||
  Kart som viser Hevel Eilot regionale kommune.
| |||
| Wikimedia Commons: Hevel Eilot Regional Council | |||
Det bur berre kring 3 300 innbyggjarar i kommunen, fordelt på tolv landsbyar. Areaet er kring 2 200 kvadratkilometer. Den største byen i området, Eilat, har eit eige bystyre og er ikkje ein del av den regionale kommunen.
Geografi
endreHevel Eilot regionale kommune grensar i nord til Sentral-Arava regionale kommune, i aust til Jordan, i sør til Eilat og i vest til Egypt og det sentrale Negev.
Hevel Eilot er eit område som består av tørr ørken. Det er lite nedbør om vinteren og ingenting om sommaren, då temperaturane ofte stig over 40 ºC. Dyre- og plantelivet er typisk for ein ørken.
Timnaparken er eit naturreservat som dekkjer eit stort område i regionen.
Det første kommersielle solkraftverket i Israel, bygd av Arava Power Company, ligg i Ketura.
Regionen, som ligg langt unna det sentrale Israel, er ikkje knytt til det nasjonale vassleidningsnettet. I staden får ein vatn gjennom avsalting av vatn frå Raudehavet.
Busetnader i kommunen
endreDet er 12 busetnader i kommunen: 10 kibbutzar og to fellesbusetnadar.
Kibbutzar
endre- Eilot (אילות)
- Elifaz (אליפז)
- Grofit (גרופית)
- Ketura (קטורה)
- Lotan (לוטן)
- Neot Smadar (נאות סמדר)
- Neve Harif (נווה חריף)
- Samar (סמר)
- Yotvata (יטבתה)
- Yahel (יהל)