Hother Bøttger
Hother Erich Werner Bøttger (18. mai 1801–28. oktober 1857) var ein norsk bankbokhaldar, stadskonduktør og stortingsmann frå Skien.
| Hother Bøttger | |
| Statsborgarskap | Noreg |
| Fødd | 18. mai 1801 Skien kommune |
| Død |
28. oktober 1857 (56 år) |
| Yrke | arkitekt, politikar, stadskonduktør |
| Språk | norsk |
| Far | Johannes Bøttger |
| Hother Bøttger på Commons | |
Bøttger var son av ein organist. Sjølv utdanna han seg til snikkarmeister, og seinare til arkitekt ved kunstakademiet i København. Han vart i 1834 tilsett som stadskonduktør i Skien og Porsgrunn. Bøttger er kjend for ei rekke ombyggingar, til dømes Skien kyrkje og hovudgarden på Holden, samt teikningane til Noregs banks bygning i Skien. Elles forma han ei rekke teikningar av omnar for Ulefos Jernværk.
Bøttger var stortingsrepresentant for Skien i 1845 og 1857. På fyrste tingsamlinga var han medlem av næringskomite nr 1, medan han i 1857 var sekretær både i desisjonskomiteen og og i komitéen om stortingsbygninga.
Han var medlem av bystyret i Skien frå 1839 og forlikskommisjonen frå 1852. Bøttger var ordførar i Skien frå 1842 til 1843.[1] Han døydde i Skien i 1857.
Verk
endre- Ombygginga av eksteriøret på Skien gamle kyrkje (1840–1842). Gjekk tapt 1886 i bybrannen.
- Noregs Banks bygning i Skien saman med Hans Linstow. (1849)[2]
- Ombygginga av Skien latinskole (1854). Gjekk tapt 1886 i bybrannen.
- Ombygginga av Holden hovedgård (1850-åra)
- Tollboden i Skien (1860)
Referansar
endre- ↑ Ordførerne i Skien, Gjerpen og Solum, arkivert frå originalen 28. august 2008, henta 28. juli 2014
- ↑ Varden.no – 2,8 mill. dyrere[daud lenkje] (Av Tom Erik Thorsen – Publisert 26. november 2008, besøkt 11. mars 2009)
Kjelder
endre- Gunnarsjaa, Arne: Arkitekturleksikon. Oslo 2007
- Lindstøl, Tallak (1914). Stortinget og statsraadet: 1814-1914. Kristiania: Steen'ske bogtrykkeri. s. 159.
- Biografisk informasjon om Hother Bøttger NSD Norsk senter for forskningsdatas politikararkiv