Housay
Housay, òg kalla West Isle,[1] er ei av tre øyar i Out Skerries, den austlegaste delen av Shetlandsøyane. Ho har kring 50 innbyggjarar.
| Housay | |
|---|---|
| Geografi | |
  | |
| Stad | Nordsjøen |
| Koordinatar | 60°25′26″N 0°45′50″W / 60.424°N 0.764°W |
| Øygruppe | Shetlandsøyane
|
| Areal | 1,63 km²
|
| Høgaste punkt | 53 moh. |
| Administrasjon | |
| Land | Skottland |
| Region | Shetlandsøyane
|
| Demografi | |
| Folketal | 50 (2001) |
| Folketettleik | 30,7 /km² |
Geografi
endre
Housay har den mest komplekse geologien på Out Skerries, med granitt i Mio Ness heilt sørvest, kalkstein på sørsida og store konsentrasjonar med gneis og skifer.[1]
Housay består av fleire små halvøya, og den største av dei peikar sørvestover og er over 1,5 km lang. I nord strekkjer seg eit anna nest seg nordover og svingar sørvestover, parallelt til den større halvøya. Mellom desse ligg West Voe.
Øya er omgjeve av fleire staurar, mellom anna Hevda Stacks i nord og Stack a Mooth & Stack a Pillar i sør. Det finst òg ei sjøgrotte i sør, og Da Steig er ei kollapsa grotte, mellom øya og Mio Ness
Mellom Housay og Bruray ligg North Mouth og South Mouth.
Øya vert stundom råka av vassmangel. Det er lite torv på Out Skerries, slik at innbyggjarane på øya har fått rettar til å skjere torv på Whalsay.[1]
Historie
endreDei mange norrøne stadnamna indikerer at øya har vore busett sidan minst den tid, om ikkje enno tidlegare.
Øya hadde flest innbyggjarar i 1891, då nesten 90 menneske budde her. I dag er det kring halvparten så mange att, 50 innbyggjarar i 2001.
Infrastruktur
endrePå øya finst postkontor, ein av to butikkar på Out Skerries, ei kyrkje og eit samfunnshus.
Skerries Bridge vart bygt i 1957 mellom Housay og Bruray.
Kjelder
endre- Denne artikkelen bygger på «Housay» frå Wikipedia på engelsk, den 24. mars 2010.
- Wikipedia på engelsk oppgav desse kjeldene:
- ↑ 1,0 1,1 1,2 Haswell-Smith, Hamish (2004). The Scottish Islands. Edinburgh: Canongate. ISBN 1841954543.