Out Skerries
Out Skerries (av norrønt Ut sker) er ei øygruppe tilhøyrande Shetland i Skottland.[1]
| Out Skerries | |
|---|---|
| |
| Geografi | |
  | |
| Stad | Nordsjøen |
| Koordinatar | 60°25′N 0°46′W / 60.42°N 0.76°W |
| Øygruppe | Shetlandsøyane
|
| Areal | 4,0 km²
|
| Høgaste punkt | Bruray Wart (43 moh.)
|
| Administrasjon | |
| Land | Skottland |
| Region | Shetlandsøyane
|
| Demografi | |
| Folketal | 76 (2001) |
| Folketettleik | 19 /km² |
(Foto: Sven Johansson)
Somme tider vert øyene kalla Outer Skerries eller berre Skerries (sjølv om det kan føre til samanblanding med Ve Skerries). Out Skerries ligg om lag sju kilometer nordaustom Whalsay og er den austlegaste delen av Skottland. Øyene ligg ca 320 kilometer frå Noreg, om lag på høgd med Ågotnes på Sotra. Out Skerries har ferjesamband med Vidlin og Lerwick på Mainland og flysamband med Tingwall. Øygruppa har vore folkesett minst sidan vikingtida, truleg lenger.
Hovudøyene er Housay, Bruray og Grunay. Dei er alle små, det samla arealet for øyene er 4 km². Folketalet for øyene er 76. Det er bru mellom dei to fyrstnemde øyene, og det er berre på dei det bur folk. Out Skerries har barne- og ungdomsskule, to butikkar, ein fiskeforedlingsfabrikk, ei flystripe og kyrkje. Ungdomsskulen er den minste i landet, i 2004 hadde han berre to elevar. Hovudnæringsvegen på øyene er fiskeria.
Øyene
endreHousay
endreHousay er den største av øyene og ligg lengst vest. På øya ligg den naturlege hamna West Voe, kyrkja på øyene, Out Skerries Church, og ein butikk med postkontor. I 2001 budde det 50 personar på øya. [2] Frå Housay går det bru til Bruray. I sundet North Mouth er det fiskeoppdrettsanlegg og båtplassar.
Bruray
endreBruray er den nest største av øyene og ligg like austom Housay. På Bruray ligg hovudhamna, skulen, den andre av butikkane og flystripa. Det høgaste punktet på Out Skerries ligg på Brurey, 53 moh. I 2001 budde det 26 personar på øya.[3]
Grunay
endreGrunay er den minste av hovudøyene. På øya ligg huset der fyrvaktaren til fyret på Bound Skerry budde tidlegare. Då fyret vart automatisert og avfolka i 1972 vart huset fråflytt. Opp til då var Grunay den austlegaste av dei busette øyene i Skottland. (Grunay må ikkje forvekslast med Gruney, som er ei anna lita shetlandsk øy.)
Kjelder
endre- ↑ Undiscovered Scotland: Out Skerries
- ↑ Innbyggjartal frå scottishislands.org.uk, arkivert frå originalen 18. juni 2010, henta 13. mai 2007
- ↑ Innbyggjartal frå scottishislands.org.uk, arkivert frå originalen 18. juni 2010, henta 13. mai 2007
- Denne artikkelen bygger på «Out Skerries» frå Wikipedia på engelsk, den 14. mai 2007.
Bakgrunnsstoff
endre- Dey, Joan: Out Skerries - an Island Community ISBN 0-900662-74-3