Husøy kyrkje i Tønsberg
Husøy kyrkje er ei langkyrkje frå 1933 på Husøy i Tønsberg kommune i Vestfold. Kyrkja er av stein og har 200 sitjeplassar. Ein kjem til staden via fylkesveg 430 fra Nøtterøy.
| Husøy kyrkje i Tønsberg | |||
| Husøy kirke | |||
 Foto: Jan-Tore Egge
| |||
| Kyrkjesamfunn | Den norske kyrkja | ||
|---|---|---|---|
| Bispedøme | Tunsberg | ||
| Prosti | Tønsberg domprosti | ||
| Sokn | Søndre SLagen | ||
| Fellesråd | Tønsberg | ||
| Arkitekt | Eirik Eikrann | ||
| Material | Stein | ||
| Innvigd | 8. september 1933 | ||
| Kyrkjegard | Ved kyrkja | ||
| Altartavle | Karl G. Nilssen | ||
| Sitjeplassar | 200 | ||
 Husøy kyrkje i Tønsberg 59°14′13″N 10°27′49″E / 59.2368833°N 10.4636603°E | |||
| Wikimedia Commons: Husøy kirke | |||
Det vart innvigd kyrkjegard med gravkapell på Husøy i 1925. Kyrkja vart teikna av Eirik Eikrann, oppført nokre år seinare og innvigd 8. september 1933. Det er ei karakteristisk langkyrkje som er forblenda med ein lokal syenitt med nokså ru overflate. Kyrkja har bratte saltak — også på vesttårnet. Det er sakristi på kvar side av koret i aust, slik at denne delen av bygningskroppen har same breidd som skipet. Utvendig er kyrkja openbert mellomalderinspirert med moderne tillempingar, medan interiøret er prega av ein funksjonalistisk påverka klassisisme.
Altartavla har form av eit trerelieff utført av Karl G. Nilssen. Motivet er den trøstande Kristus.[1] I ei nisje framfor preikestolen er ein utskoren figur av Martin Luther, også denne utført av Nilssen. På fondveggen i koret er eit rundt vindauge med glasmåleri som syner lammet og seiersfana midt på ein kross. Døypefonten er av tre og glas og har elektrisk lys.
Kyrkjegarden breirer seg hovudsakleg sørover og vestover frå kyrkja. Nord for kyrka står eit krigsminnesmerke.
Kjelder
endre- Denne artikkelen bygger på «Husøy kyrkje i Tønsberg» frå Wikipedia på bokmål, den 4. januar 2014.
- ↑ Jf. Matt. 11.28
Bakgrunnsstoff
endre- Eldal, Jens Christian; Havran, Jiri (2002). Kirker i Norge, bind 3: Med historiske forbilder. 1800-tallet. Oslo: Arfo. s. 240-241. ISBN 82-91399-11-5.
- Rasmussen, Alf Henry (1993). Våre kirker. Norsk kirkeleksikon. Kirkenær: Vanebo forlag. s. 562. ISBN 82-7527-022-7.
- «Husøy kyrkje i Tønsberg». Kirkesøk. Den norske kyrkja.
- Sem og Slagen bygdebok om Karl G. Nilssen
- Husøy kyrkje i Tønsberg i kulturminnesok.no, nettstaden til Riksantikvaren