Igor Vori

Igor Vori (fødd 20. september 1980) er ein kroatisk tidlegare handballspelar som vart verdsmeister 2002 og olympisk meister 2004 med Kroatia sitt landslag, og vinnar av meisterligaen 2013 med HSV Hamburg. Han var linjespelar i angrep.

Igor Vori
Statsborgarskap	Kroatia
Fødd	20. september 1980 (44 år) Zagreb
Idrett	handball
Tok del i	Sommar-OL 2012, Sommar-OL 2008, Sommar-OL 2004

Karriere

Klubbspel

Vori spelte for RK Zagreb i fire periodar, den fyrste frå 1997 og den siste til 2018, då han la opp. Elles var han innom dei italienske laga Prato og Conversano, før han 2005-07 hadde kontrakt med det spanske storlaget FC Barcelona. 2009-13 spelte han på HSV Hamburg, 2013-15 var han å sjå i PSG-drakt i fransk handball. Han vart seriemeister i alle dei fem landa han var aktiv. Våren 2013 skåra han eitt mål då HSV Hamburg vann finalen i meisterligaen etter ekstraomgangar.

Landslagsspel

Frå debuten i 2003 til 2018 deltok Vori i 229 landskampar for Kroatia, skåra 565 mål. I denne perioden var han med på å vinne ni medaljar i dei store internasjonale meisterskapane. Høgdepunkta kom med triumfane i Handball-VM 2003 og Sommar-OL 2004. I Handball-VM 2009 i heimlandet vart han kåra til meisterskapens beste spelar.

Merittar

• Handball-VM 2003 for menn: Gullmedalje, siger over Tyskland
• Sommar-OL 2004: Gullmedalje, siger mot Tyskland
• Handball-VM 2005 for menn: Sølvmedalje, tap mot Spania
• Handball-EM 2008 for menn: Sølvmedalje, tap mot Danmark
• Handball-VM 2009 for menn: Sølvmedalje, tap mot Frankrike
• Handball-EM 2010 for menn: Sølvmedalje, tap mot Frankrike
• Handball-EM 2012 for menn: Bronsemedalje
• Sommar-OL 2012: Bronsemedalje
• Handball-VM 2013 for menn: Bronsemedalje
• Vinnar av EHF-meisterligaen: 2013 for HSV Hamburg
• Kroatisk seriemeister: 1998, 1999, 2000, 2001, 2004, 2005, 2008, 2009, 2017, 2018 for RK Zagreb (10)
• Italiensk seriemeister: 2003 for Conversano
• Spansk ligameister: 2006 for FC Barcelona
• Spansk cupmeister: 2007 for FC Barcelona
• Tysk pokalvinnar: 2011 for HSV Hamburg
• Tysk ligameister: 2011 for HSV Hamburg
• Fransk cupmeister: 2014 og 2015 for PSG
• Fransk seriemeister: 2015 og 2016 for PSG

Kjelder

• Denne artikkelen bygger på «Igor Vori» frå Wikipedia på tysk, den 17. april 2024.