Wikipedia

Ilja Tsjernousov

Ilja Grigorjevitsj Tsjernousov (fødd 7. august 1986) er ein russisk langrennar frå Novosibirsk. Han kom i mål til bronsemedalje både på tremila under Ski-VM 2011 og på femmila under Vinter-OL 2014. Tsjernousov vann to tevlingar i verdscupen i langrenn, begge i 2012.

Ilja Tsjernousov


Statsborgarskap Russland
Fødd 7. august 1986 (38 år)
Novosibirsk
Idrett langrenn
Tok del i Langrenn under Vinter-OL 2014 – 50 kilometer fristil menn, Ski-VM 2007, Ski-VM 2011, Ski-VM 2013, Ski-VM 2015
Utmerkingar Fedrelandets fortjenstordens medalje av 2. klasse

Aktiv

endre

Tsjernousov deltok fyrste gongen i verdscupen i Gällivare den 18. november 2006. Seinare same sesongen, 4 . februar 2007, gjekk han ein etappe på det russiske laget som vann 4 x 10 km stafett i Davos. Vinteren 2010 vart han nummer to på 30 km/skibyte i Rybinsk den 23. januar, og nummer tre på same distansen i Lahti 6. mars. Sesongen 2010/11 kom han på andreplass på 15 km i Kuusamo i november, før han 4. februar i Rybinsk vann 20 km/skibyte. Deretter tok han bronsen på 30 km/skibyte under verdsmeisterskapen i Oslo, bak gullvinnar Petter Northug og sin eigen landsmann Maksim Vylegzjanin. Tre veker etter gjekk Tsjernousov inn til bestetid i prologen under verdscupfinalane i Falun.

I februar 2012 tok Tsjernousov andreplass i to verdscuprenn i Rybinsk. Vinteren 2013 oppnådde han sine to siste pallplasseringar i verdscupen. Fyrst vart han nummer to på 30 km i Sotsji, og så tredjemann på femmila i Holmenkollen. Under Vinter-OL 2014 i Sotsji gjekk Tsjernousov i mål som nummer fem på 30 km. To veker seinare spurta han inn til bronse i 50 km fristil og syrgde dermed for heilrussisk sigerspall, Aleksandr Legkov og Maksim Vylegzjanin tok dei to gjevaste medaljane.

Frå 2016 tevla Tsjernousov i dei lange turrenna. Han vann i 2017 sveitsiske La Diagonela og i 2017 italienske Marcialonga.

Kjelder

endre
Henta frå «https://nn.wikipedia.org/w/index.php?title=Ilja_Tsjernousov&oldid=3441115»