Ingrid Kristiansen
(Omdirigert frå Ingrid Christensen)
Ingrid Kristiansen (fødd Ingrid Christensen, 21. mars 1956 i Trondheim) er ein norsk tidlegare friidrettsutøvar. Ho var i andre halvdel av 1980-åra den fremste langdistanseløparen i verda. Ho vart verdsmeister på 10 000 meter i 1987, og sette fem verdsrekordar på bane i karrieren. I mange år hadde ho òg beste tid på maratondistansen (2.21.06) i verda.
| Ingrid Kristiansen | |
|
| |
| Statsborgarskap | Noreg |
| Fødd | 21. mars 1956 (68 år) Trondheim |
| Idrett | friidrett, langrenn |
| Tok del i | Sommar-OL 1988, Sommar-OL 1984 |
| Utmerkingar | Aftenpostens Gullmedalje, Bislett-medaljen, Egebergs Ærespris, Olavstatuetten, Porsgrunds Porselænsfabriks Ærespris, Sportsjournalistenes statuett |
Det er maratonløpar at ho er best kjend, med sigrar i ei rekkje prestisjetunge løp, som i New York, Chicago, Boston og London.
Kristiansen var òg ein god langrennsløpar. Ho vart europameister i stafett for junior i 1974, og vann åtte NM i stafett.
Meritt i utval
endre- EM-gull på 10 000 meter 1986
- VM-gull på 10 000 meter 1987
- EM-bronse i maraton 1992
- 5 verdsrekordar i baneløp (5000/10 000 meter)
- Kongepokalen 1984-85
- 24 individuelle noregsmeisterskap i friidrett
Ho vart tildelt Morgenbladets Gullmedalje i 1986 og Egebergs Ærespris i 1990.
Personlege bestetider
endre| Distanse | Tid | Dato | Stad |
|---|---|---|---|
| 3000 m | 8:34.10 | 13 august 1986 | Zurich |
| 5000m | 14:37.33 | 5 august 1986 | Stockholm |
| 10000 m | 30:13.74 | 5 juli 1986 | Oslo |
| 10 km (landeveg) | 30:59 | 9 april 1989 | Boston |
| 15 km (landeveg) | 47:17 | 21 november 1987 | Monaco |
| Halvmaraton | 1:06:40 | 19 march 1987 | Sandnes |
| Maraton | 2:21:06 | 21 april 1985 | London |