Isacio Calleja

Isacio Calleja García (6. desember 1936–4. februar 2019) var ein spansk fotballspelar og sakførar frå landsbyen Valle de Cerrato i Palencia-provinsen. Han vart europameister 1964 med Spania, to år etter han var med å vinne cupvinnarcupen 1962 med Atlético Madrid.

Isacio Calleja
Statsborgarskap	Spania
Fødd	6. desember 1936 Valle de Cerrato
Død	4. februar 2019 (82 år) Madrid
Idrett	fotball
Tok del i	EM i fotball 1964

Klubbspel

Calleja spelte i midtforsvaret på Atlético Madrid frå 1959 til han la opp i 1972. Han var med om å vinne finalen i cupvinnarcupen 1962 mot italienske Fiorentina. Sommaren 1965 sigra han og Madrid-laget 1-0 mot Real Zaragoza i den nasjonale cupfinalen. Den påfylgjande sesongen bidrog han mykje til at Atlético Madrid toppa den spanske serien, eitt poeng framom Real Madrid. Også i 1970 vart Calleja og Atlético spansk seriemeister, poenget framom Athletic Bilbao. I sin aller siste kamp, cupfinalen 1972, var han lagkaptein då Atlético Madrid slo Valencia CF med 2-1.

Landslagsspel

Calleja spelte 12 landskampar i tida 1961-64 og vart europameister då Spania vann EM-finalen 1964 med 2-1 mot Sovjetunionen framfor 120 000 tilskodarar i Madrid. Nær 8 år seinare var han kaptein i sin 13. og siste landskamp, ein vennskapskamp mot gjestande Uruguay.

Merittar

• Europameister: 1964 for Spania
• Vinnar av cupvinnarcupen: 1962 med Atlético Madrid
• Spansk seriemeister: 1966 og 1970 med Atlético Madrid
• Spansk cupmeister: 1965 og 1972 med Atlético Madrid

Kjelder

• eu-football
• Denne artikkelen bygger på «Isacio Calleja» frå Wikipedia på engelsk, den 1. oktober 2018.