István Örkeny

István Örkény (5. april 1912–24. juni 1979) var ein ungarsk forfattar som har skrive romanar og noveller kjenneteikna av samfunnssatire, groteskeri og svart humor.

István Örkeny
Statsborgarskap	Ungarn
Fødd	5. april 1912 Budapest
Død	24. juni 1979 (67 år) Budapest
Yrke	skribent, skodespelforfattar, farmasøyt
Språk	ungarsk
Medlem av	Digital Literary Academy
Far	Hugó Örkény
Ektefelle	Angela F. Nagy, Zsuzsa Radnóti
István Örkeny på Commons

Den første novellesamlinga til Örkény var Tengertánc (Havdans) frå 1941. Boka var ei samling groteske historier om fascismen. År 1956 gav han ut novellesamlingar om sine røynsler frå den andre verdskrigen. Boka Macskajáték (Kattelek) frå 1966 handlar om forhold mellom menneske og boka Tóték (Familien Tót) frå 1967 skildrar psykologien i fascismen. Romanen Rózsakiállítás (Roseutstillinga) frå 1977 uttrykker tankar om livet og døden gjennom døyande menneske sine groteske rollespel.

Dramaet Kattelek er oppført i Noreg.

Kjelder

• Denne artikkelen bygger på «István Örkény» frå Wikipedia på svensk, den 11. februar 2009.

• «István Örkeny» i Caplex.
  Denne litteraturartikkelen er ei spire. Du kan hjelpe Nynorsk Wikipedia gjennom å utvide han.